[therock-59]

السلام عليكم يا شباب عاملين ايه يا رب تكونو تمام . اما بعد
انا في 2007 اشتريت ابيزا 94 المهم العربيه قعدت 3 اسابيع كويسه و بعدين ابتدت رحلتي مع العذاب و الاسبراتير باظ و بعدين الموبينه و بعدين الموبينه تاني وتالت و المهم ان كل مشكله كانت بتعد فتره عشان الميكانيكيه الجامدين طحن الي في بلدنا واللي كلهم بهايم . المهم من 3 سنوات بدت تحصل حاجه غريبه جدا في مره كان يوم خميس و كنت خارج والدنيا زي الفل و الحياه حلوه وفجاه الاقيلك يا برنس ال(rbm) بيلعب . هوبااا . ايه ده . روح للميكانيكي محدش عارف المهم وصفولي واحد في ابن سيندر و قالو روحلو هو عندو الكومبيوتر و هيوصلو على العربيه المهم وصل و ظبط قالي (idle ) يا بيه قولتله تمام المهم نزلت توغلت في الحرفين ( الله يلعنها ) و جبتو . ركب تمام . بعد شهر نفس العيب روح للراج تاني (idle ) يا بيه جبت واحد تاني ركب تمام بعد فتره نفس العيب قالي بوابه المهم غيرت الكربيراتير كله 3 مرات و العيب لسه موجود . اخر فتيه طلعو بيها انو الكنترول بايظ . المهم انا ركبته العيب راح بس فيه تهييس بيحصل . و بتطفي . و انا بصراحه مش عارف اعمل ايييييه . لو بس لاقي حد بيفهم او بيشغل دماغه من البهايم اللي بيصلحو العربيات الي فيها المشاكل الكهربا او حد اتعرض لنفس الموقف . يا ريت تساعدوني انا اسف للاطاله بس انا فعلا بلف حوالين نفسي