نوع عربيتى نوفا ريجاتا مو 88
الميكانيكيه وبتوع الريداتير جننونى مش عارف احل لغز ازاى عندى مشكلتين :
اول مشكله هى ان العربيه بتسخن فى الزحمه لاكن اول متمسك طريق فاضى وتجرى العربيه مشاء الله بتنزل فى الزحمه المؤشر بيوصل ل 100 الى 110 وفى الجرى توصل ل من 80 الى 70 الميكانيكى غيرى جوان الكوعه بتاعت الخرطومين بتوع الريداتير اللى واصل فى الماتور ومعرفش عمل فيها اى تانى وبرضه بتسخن بتاع الريداتير نضف الريداتير وقالى ان الريداتير كويس جداا وممتاز ويعيش معاك خمس سنين ادام مش محتاج تغيره الميكانيكى قالى نضف سلبنتينه التكيف على فكره انا مش عارف الاسامى اوى فااكيد ممكن يكون بقولها بااخطاء بس قالى نضف سلبنتينه التكيف نضفت وبرضه نفس المشكله كشفت على التيل والفرامل مافهمش اى حاجة والحمدلله العربيه تمام قالى اكشف تكيهات كشفت على التكيهات قالى عندى الاطباق عندك كويسه بس العامود بتاع الشواكيش اتنين متاكلين شويا هيعيشو معاك 6 شهور ادام وغيره هل دة ممكن يكون سبب سخنيه العربيه فى الزحمه ؟؟
دى اول مشكله عندى تانى مشكله :
بسمع صوت فى الفيتيس الصبح لما بدور العربيه وهى بارده خبط جنب الماتور فى الفيتيس الخبط دة بيروح لما بدوس دبرياج ويرجع لما اسيب دبرياج ويروح خالص الصوت دة لما العربيه تبتدى تسخن يختفى نهائى الميكانيكى قالى الزيت بتاع الفيتيس واحش عايز يتغير هات زيت فيتيس 90 خفيف فعلا عملت كدة وفى البنزينه مكنوش عايزين يخطولى الزيت ده قلولى علشان الموديل قديم الميكانيكى قالى لا 90 وفعلا حطيت 90 ورغم كدة نفس المشكله موجوده .ارجو منكم بجد المساعدو ارجوكم علشان انا بدئت اكره العربيه بعد ماكنت مشدود ليها جامد وصرفت كتير عليها وحاسس بيأس منها
