14-01-2012, 11:23 AM
|
|
|
|
تاريخ التسجيل: Nov 2011
المشاركات: 298
|
|
غرفه عمليات شكاوى البنزين ... كله يدخل يتصل
بسم الله الرحمن الرحيم
وانا قاعد اتفرج علي التلفزيون وانا بفطر عيني لمحت كلمه شكاوي البنزين فضلت قاعد استنا شريط الاخبار يلف ويرجع تاني عشان اعرف ايه ده لقيتهم كاتبين نمرتين تليفون عشان اللي عاوز يشتكي طبعا انا عارف ان الحكومه عارفه وممكن تكون متعمده ازمه البنزين دي بس قولت اتصل اشوف ... وعن طريق التعامل مع الشكوي اقدر اعرف اذا كان الكلام ده حقيقي وفيه حد هيعبرنا ولا لأ 
المهم اتصلت لقيت واحد رد عليا علي طول مع اني كنت متخيل اني هلاقي الخط مشغول ....الموظف خد بياناتي (نمرتي واسمي ومنطقتي ) المهم انا قولتله البيانات بالتفصيل مارديتش اكذب وبعدين قالي الشكوي ايه !!!! قولتله مش لاقيين البنزين يابيه ولما بيجي البنزينه بتعبي في جراكن مع ان ده ممنوع  .... قالي خلاص ماشي المهم قولتله انتو هتعملو ايه ؟ قالي هنكلم الشركات !!! قولتله طيب ياريت تتوصو بشركه التعاون قالي حاضر 
انا طبعا حاسس ان الموضوع مش مهم يعني مش مهتمين بيه لان الموظف قالي استنا كده وقعد يدور علي ورقه يكتب فيها هههههههههههه مع ان دي غرفه عمليات شكاوي علي مستوي الجمهوريه في هيئه البترول والله اعلم
المهم دي نمره التليفون للي عاوز يدخل ويعمل قلق بكل احترام ويشتكي اي محطه بنزين وياريت كلنا نشتكي 0227065913
|