[amrtany]

أولا أنا مع الرابطة أونو
اما بالنسبة للسيارة انا عندى سيارة أونو موديل 2000 ، وهى 1000 سى سى وبها سنتر وانذار وتكييف وان كان التكييف عايز يتظبط هو موجود وكان شغال بس حد الظاهر كان بيصلح حاجة فى العربية وانا كنت سايبها فقطع خراطيم التكييف يعنى اعتقد مشكلة بسيطة وممكن تتصلح ، العربية بحالة كويسة بس طبعا ان ميش ميكانيكى يعنى هى أى مشكلة كانت بتظهر ادامى بعالجها بس طبعا اللى بحس بيها ، فاللى هيشتريها بيكشف عليها كلها ، ده انا بقول الكلام ده لأنى بفكر أبيع عربيتى ـ انا لسه طبعا بفكر لان هى فعلا عربية خفيفة وسحبها حلو بس انا محتاج عربية أوسع وتشيل أكتر ـ فالبيع يتوقف على انى ألاقى عربية كبيرة شوية وتكون على اد امكانياتى ‘ على العموم انا لو هبيعها هيبقى السعر 29000 جنيه ، ويلاحظ أنى غيرت تبلوه العدادات بتبلوه أونو موديل أحدث وذلك لان عيب تبلوه الأونو كل المديلات حتى موديل 2000 تقريبا به لمبة حرارة وليس أمبير ( مؤشر ) حرارة وديه الحقيقة كانت مشكلة خطيرة جدا بس الحمد الله بعد ما دخت كتير جدا قدرت أغير التبلوه بتبلوه فيه أمبير حرارة أقدر أعرف مقياس الحرار بالضبط كام ميش أفاجأ باللمبة اللى ما بتنورشى إلا لما تكون العربية سخنت جدا وعملت مشكلة وده اللى كان بيحصل معايا وسببتلى مشاكل قبل كده بس الحمد الله مع الامبير الوضع أختلف كتير ، فده عيب فى الا,نو حتى موديل 2000 يمكن ما يحسوش بعض الناس ، ولكن انا عالجت العيب ده فى سيارتى .