المشاركة الأصلية كتبت بواسطة maikel_nan
الف شكر ليك يا معلم على تعبك وعلى معلوماتك وبصراحه انا الجولف دى كانت حلم حياتى بس ساعتها كانت ب80 و 75 و بسبب تغيير الظروف والاسعار اللى طالعه نازلهقولت اجيب لانوس مؤقته (عشان سهوله البيع فقط) بس بعد كده شوفت الاسبرانزا ال113 بس وانا بدور لقيت الجولف نزل جامد و قولت استحاله تنزل اكتر من كده
بس انته قصدك استوك يعنى بحاله الزيرو صح
مش عارف اقولك ايه بس انا كده هتعب المنتدى كله معايا
|
الجولف فعلا عربية جميلة ملكة الهاتشباك طول عمرها في رأيي هات ال 1400 و لو احتجت اداء اعلي ممكن يتعمل فيها شوية حاجات كده تخليها جبارة بس يكون عندك استعداد تصرف
قصدي بستوك يعني موتور الفابريقة مش موتور متسقط لان الجولفات اللي بتنزلنا هنا و انت عارف انها معشوقة الشباب الاولي بتنزل كلها 1400 و كبيرها اوي 1600 و الجولف تقيلة و المواتير اللي بتنزلنا هنا اللي اقصاها 102 حصان هي بتبقي شديدة و عفيه بس التسارع و كده بيبقي بطئ شوية فا الشباب دايما يلجأو للتسقيط عشان كده بقولك لو استوك هتبقي جامده يعني لو 1800 اوريجينال مش متسقطه و هتفرق في الاوبشنز و الكماليات كمان