صباح الفل علي احلي ماروتية....
بما ان احنا ف عصر التوك شو...واللي عنده مشاركة بيقولها...احب اقول تجربتي مع الزيت:
هو الحقيقة حوار الزيت ده حوار محير ...........ليه بقي ؟
لان من ساعت اشتريت (الجراند ماروتي) وانا بحط زيت مصر للبترول ؟؟تمام وعنب اوي ...
لحد ما واحد من اصحابي قالي فتوي ان الزيت ده مصري ومالوش لازمة ( قالي فكك ياعم وحط موبيل عادي ..اقل مافيها انه مستورد وسعره رخيص ..وووووو لك لكلكلكلكلكلكل.)
وطبعا غيرت ...وبعدها با سبوع العربية جابت سير كاتينة ...وطبعا في صباب اتعوج ....عارف والله ان الزيت مالوش علاقة بقطع السير ...
بس اهو انطباع عندي ان زيت موبيل ده زبالة جدا..
وبعد ما خرجت من حوار سير والصباب لقيت العربية تمام وعنب بناتي كمان ...! لكن ...
بعد حوالي شهر لقيت الزيت بينقص ..! قابل بقي يا معلم ..
رحت للسيد الميكانيكي قالي : لا يا استاذ محمود زيت ايه انت بس بيتهيالك ...ههههههه...
قلتله لا يا عمونا...انا متاكد ..وبعد طول جدال قالي انا هكشف ع العربية كويس واحنا نغير الزيت ونشوف ربما يكون موبيل ده بيتبخر بسرعة قلت له ماشي..وطبعا الزيت رخيص بصراحة ال 3000 .. 4 لتر 64 جندي ...عنب جدا...
طبعا الحوار بقالوا 10 ايام .....بس السؤال بقي : هل الزيت هينقص ؟ ده اللي هتجيب عنه الايام القادمة..
ملحوظة: العربية بتجيب مية الصبح من الشكمان والسحب قل حبتين ...!
اللي عنده تفسير لحالة المريض ده يبقي..متشكر جدا
