المشاركة الأصلية كتبت بواسطة Sherif_NOS
السلام عليكم
وكل سنه وانتم طيبين وبخير وسلامه ان شاء الله
انا عندى كام سؤال هو احنا ليه عمرنا ما شوفنا فى مصر هوندا سيفيك Type-R ؟؟
ديه اول حاجه , هل لو الواحد فكر انه يجيب هوندا سيفيك موديل 2007 مثلا , ممكن المكنه بتاعت ال Type-R تركب عليها , وهل المتور ده موجود اصلا وسعره كام ؟؟؟؟؟؟
السؤال يبدو غريب شويه بس معلش اصلى بعشق الهوندا .. سؤال كمان حد شاف قبل كده هوندا Type-R بتنزل اوتومتك ؟؟؟؟
وشكرا انا شايف ان مفيش حد متكلم على العربيه ديه خالص ومنكم نستفيد  |
وعليكم السلام ورحمة الله وبركاته
Type R بدأت تظهر في الجيل السادس من الهوندا -2000-1996 الخاصة بالسوق الياباني فقط (دريكسيون يمين) وكان الموتور 1600 سي سي بيطلع حوالي 190 حصان شاسية EK9
ثم بدأت تظهر في الجيل السابع من 2001الى 2005 بمحرك 2000 سي سي 200 حصان شاسية EP3 و كان في واحدة عندنا في بورسعيد صاحبها كان نازل بيها من الكويت وكان طالب فيها 130 الف "الكلام ده سنة 2008" بلإضافة للنسخة الأوروبي و هي ذات شكل مختلف لكن ايضا نفس المحرك 2000 سي سي و من ثم نفس المحرك تم استخدامة في الجيل الثامن ببعض التحسينات لإستهلاك الوقود و العربيات كلها مانيوال و ما بتنزلش اوتوماتيك
خلاصة الكلام العربية غير متوفره في مصر لإرتفاع ثمنها ...اعتقد ان الوكيل لو كان حيستوردها ثمنها لن يقل عن نصف مليون جنيه بأي حال من الأحوال
هناك بعض الشباب يقومون بتسقيط المواتير الخاصة ب Type R الجيل السادس و المواتير دي قليلة و غالية في نفس الوقت أعتقد ان ثمن المكنة + ناقل الحركة + الظفيرة + الكونترولات + العفشة بتوصل للعشرين الف جنيه لو عرفت توصلها
__________________
قال رسول الله صلي الله عليه وسلم( إن لله عبادا اختصهم بقضاء حوائج الناس, حببهم إلي الخير, وحبب الخير إليهم, هم الآمنون من عذاب الله يوم القيامة).