اول حاجه انا عربيتى اكسارا 1 و عوامة البنزين مش شغاله عندى ولسه معملتش فيها حاجه
المهم النهارده الصبح طلعت على طريقى المعتاد للشغل والعربيه قطعت بنزين
فركنت وقفلت العربيه ولحسن حظى وجدت بنزينه قريبه من مكان العربيه
دخلت البنزينه وقلتلهم عايز جركن بنزين
قالو لى : والله البنزين خلص ومفيش غير بنزين 95 من ابو 275 قرش
قولتلهم : ومالوه ( المهم اتحرك بالعربيه)
اخدت البنزين الـ 95 وحطيته فى العربيه ... ودورت العربيه دارت
وهنا المفاجئــــــــــــــــــ ــ(بالنسبه لى)ـــــــــه
لقيت صوت الموتور : اتغير تماما وكائنها سياره اخرى ( نغمه موسيقيه رائعه)
بجد والله زى صوت موتور ال BMW الجديده
وسحب العربيه حاجه تانيه
يعنى ممكن تعدى مطب صناعى وتطلع على الرابع بالضبط زى الغيار التانى
انا فاكر ساعه ما سألتكم على انى نفسى احط بنزين 80 عشان المصاريف
الاستاذ amrmaismail رد عليا وقاللى ان العربيه دى فى اوروبا بيحطولها 95
دلوقتى انا مقتنع بكلامه ميه فى الميه
يا جماعه لازم تجربو احساس العربيه بالــــ95ــ حاجه تانيه
بس اللى هايجرب لازم التانك يفضى على الاخر