[karii83]

حزني مش لاني نزلت موضوع واشتكيت فيه مر الكشوى اني لسه شارية العربية من اقل من شهر وكلها عيوب صناعية ومكنتش طبعا فاهمها ونزلت موضوعي علشان اتشارك معاكم واخد ارائكم بس الموضوع حاليا حزني اننا لسمحنا واحنا اللي بنسمح دايما بالفساد في كل حاجة عندنا في مصر....احنا اللي سمحنا لناس جيش قدام زي اللي ماسكين الشركة دي يلعبو بينا...اولا العربية كشركة بي واي دي مش حتكلم عنهم لانهم قمة في كل شئ...بس بكل اسف الجانب المصري لازم يكون وصمة العار لكل شئ.....
عندي عيب صناعي في الفتيس....عندي عيب صناعي في التيل الخلفي........عندي عيب صناعي ان التكييف السخن مش شغال....عندي عيب صناعي ان مفتاح ازالة الشبورة من الزجاج الخلفي لايعمل......عندي عيب صناعي اني لازم علشان اقفل الشنطة انزل بيها بكل قوتي وارزع علشان تتقل....تخيلو حد يدفع فلوسه علشان يشتري حاجة للزمن ولراحة باله ومتعوب في فلوسه دي اوي علشان يلاقي بعد ماطلع من المعرض ب10 دقايق كل ده..
واروح مركز الصيانة واحس اني مرتكب جريمة اني عايز حلول لمشاكلي
التيل اتغير واتحلت المشكلة بس بقى دايما صفارة اما افرمل طبعا بالنسبالي امله مقارنة باللي فات
- التكييف الفني اتصاب في حادثة وخلاص انتهى دور التكييف عندي بكده بنهاية وجود الفني في بيته
- الفتيس مفيش حل لحد الثانية دي
رحت على فكرة بعد اما اشتريت على طول وقالولي انهم ظبطوه
مفيش كام كيلو ولا في اي حاجة حصلت..علشان انقل للرابع لازم ادعي ربنا كتير واخس بخشونه وعضه رهيبة فيه
رحت صيانة الالف وقلتلهم المشكلة زي ماهي.....فضلت 6 ساعات علشان في الاخر اتغيرلي زيت وبس واما عملت مشكلة ولفيت على اللواءات والعمدة والعقدة والبهوات واحد واحد اتقالي في النهاية بعد ماطلعو يجربوها اه في مشكلة فيه ومحتاجينك تجيبها يوم وتسيبها علشان نشوف ايه المشكلة ونفكه كله

انا دلوقتي طبعا لسه مسبتهاش ولا حاجة بس انا حاطط موضوعي ده لسبب واحد بس لو في ناس غيري فعلا بيعانو من حاجات زي دي بكل بساطة حتفق معاهم اني حبعت شكوى رسمية للشركة الام في الصين وانا اعرف كويس اازاي اخابطهم برة وبالارقام

فعلا مصر مش حينصلح حالها في اي شئ غير بينا احنا الاول