[beeronasr]

المشاركة الأصلية كتبت بواسطة koashraf طبعاً هو الاختيار صعب ..لكن هل جربت تروح المعرض وتركب وتعاين السيارتين على الطبيعه؟؟انا ركبت الداستر وعاينتها فى المعرض وعجبتنى ورايى الشخصى ان عيبها انك تحس انك راكب لوجان نفس التابلوه ومفاتيح التحكم فى الزجاج عباره عن زراير فى التابلوه ولايوجد كونسول بين الكراسى الاماميه ولا باكيتات ابواب ..يعنى فقر شديد فى الكماليات الشكليه يعوضه اداء قوى وكماليات مثل ABS,APD, جر رباعى اوثنائى حسب الحاجه او وعورة الطريق بس طبعا المحرك 1600 وهو محرك مشهود له من رينو ..ده انطباعى عن الداستر اما ال قاشقاى فانوى معاينتها على الطبيعه فى المعرض وان شاء الله اكتب انطباعى عنها ولو ان من البروشور وشكلها ان كماليتها اعلى واشيك....المهم ربنا يوفقك للاختيار الاصوب وتحكى لينا عن عربيتك اللى ان شاء الله يقع عليها الاختيار..

الف شكر يا باشا - كلام حضرتك مظبوط تماما و فعلا الداستر لا يعيبها الا صالونها لكن موضوع الكونسول بين الكراسى الامامية دة مش مشكلة ممكن يتجاب ب 75 جنية و لفت نظرى برضة موضوع الزراير المخالفة زى الزجاج الامامى و الخلفى و الكلكس ممكن اتعود علية او اتجاهلة - غير كدة العربية زى الفل الصراحة كأداء و متانة و موتور.
القشقاى انا زى حضرتك برضة مشفتهاش غير فى البروشور - شكلها رائع و فرق المقاسات قليل جدا بينها و بين الداستر و لا يعيبها غير سعرها و سحب امامى فقط
يعنى أعتقد ان لو سعرها كان أقل شوية كانت تكسب الداستر خالص نظرا لشياكة صالونها و الاوبشن الاعلى اللى فيها.
ربنا يسهل و نشوفها على الواقع بس مش عارف هل العربية متوفرة بالمعارض ولا زى الداستر لازم حجز علشان العربية الطلب عليها زايد و المصنع مش ملاحق على اروبا و بعدين مصر.
ودة سبب انى لم اتمكن من رؤية الداستر الا بالصدفة عربية فى معرض للتسليم تانى يوم الصبح - القشقاى لم اشاهدها حتى الان.
و شكرا مرة تانية لحضرتك و لكل من تدخل بنصائحة