[mohamed ibiza]

السلام عليكم,,

اولا البولو السيدان (الصيني) هي حلوة مش وحشه و الاداء هيعجبك و كل حاجة بس تفضل كلمة صيني عليها شوية علامات استفهام..

انا اضمنلك ان العربية هتكون حلوة و هتعجبك جدا علامة فولكس مش بتتحط علي اي حاجة !

بس في بدائل

عندك مثلا الكوردوبا الخليجي بس دي 1400 سي سي 85 حصان و طبعا كعادة سيات مكونات المانية بالكامل و تقفيل و تجميع اسباني و عربية اثبتت جدارة و كفاءة منقطعة النظير و مش هتكسفك و هتحبيها جدا بس نظرا لان السعر قليل فا هتلاقي مثلا انها محتاجة كاسيت و هتلاقي ان التوكيل لا يضمن السيارات الخليجي و هتبقي منك لمراكز الصيانة الخارجية او الورش زي محمد سمير و الناس دي تمام و الحته دي في حد ذاتها متعبة شوية لانك ست يعني مش عايزه بهدله العربية مش هتطلب منك حاجة في الاول خالص و كل ما استخدامك كان احسن كل ما هتعيش اكتر و اكتر بس وقفتك عند الصنايعيه في تغيير الزيت و الصيانة و الكلام ده في حد ذاتها مقرفه

لو عايزه الخليجي روحي لناشيونال موتورز اللي استاذ احمد انور حط الارقام بتاعته ده عنده الخليجي كله و جايب الابيزا الشكل الجديد خليجي كمان ال 1400 موديل 2009 التوكيل لسه منزلهاش ب 102 الف

انا رأيي تقرصي علي نفسك شوية و تجيبي الكوردوبا ال 1600 مانوال ب 100 الف هتقوليلي ليه

1-سحب ممتاز و اداء جبار و ثبات ممتاز لان العربية وزنها مش تقيل اوي و في لحظات التهور او الجري هتلاقي نفسك بتاكلي الطريق

2-استهلاك بنزين محدود جدا

3-تكييف ممتاز و الحمل بتاع التكييف هيبقي اقل و تأثيره علي الموتور ال 1600 هيبقي اقل من ال 1400

4-f/o يعني فول اوبشن اير باجات abs راديو سي دي mp3 سنتر لوك باور لوك safe system باور ستيرنج كهربا و بيتقل في السرعات و السعر ممتاز و شنطة العربية واسعه جدا و في نظري العربية دي فرصه بالذات في السعر و اساسا مكانش بينزل من ال 1600 مانوال كان كله teptronic بس و كمان ضمان التوكيل و اول صيانة عند 5000 كيلو و بتبقي مجانا ده اللي الناس قالتهولي اللي اشتروها لما راحوا عملوا الصيانة الاولي و التوكيل راحة برضه بتروحي تسلمي عربيتك يدوكي ميعاد تعدي مرتاحه مفتاح عريبتك ييجي لحد عندك في الاستراحة و بتبقي شايفه عربيتك بيتعمل فيها ايه من فوق

و التوكيل غالي اه بس بصراحة ممتاز مترجعيش من عندهم بعيب روحتلهم بيه

و دقايق و هتكون اوبشنز العربية كاملة ادام حضرتك