المشاركة الأصلية كتبت بواسطة comaro ss
السلام عليكم كل سنة وانتم طيييبيين
النهاردة كنت راكن العربية تحت مكان العمل والوقت اتأخر للساعة 10 المهم نزلت دورت العربية هوندا سيتي 2010
وماشي وبعد 100 تقريبا لمبة الحرارة نورت في الجو البرد ده
المهم نزلت اول ما فتحت القربة بتاعتة الرياتيدتر لقييت الخرطووم الي بيشفوط منها مسش موجود ؟؟!!!!!
المهم فتحت الرياتيدر لقييت نصه فاااضي وعبيت مية ومشيييت
ياترى ايه سبب كدا ؟؟؟ المشكلة انو مافييش تسريب نص المية نشفت لوحدها بدوون اي مبرر !!!!!!!
يا جدعان خايف الحركة دي تقعد تحصل معايا وخصوصا انو العربية جديدة فا ايه السبب يعني ؟؟؟؟
يااااريت الاقي الجواب الشافي منكم
|
حضرتك قلت المشكلة وقلت حلها
المشكلة كلها في الخرطوم اللي وقع... لإن الخرطوم ده هو اللي بيحافظ على مستوى الميه في الرادياتير
إزاااااي؟؟
شوف كده الصورة دي:
المية لما بتسخن بتتمدد (زي أي حاجة بتسخن) .. وكمان بيتولد ضغط عالى جوه دايرة التبريد... ولو فضلت المية بالوضع ده ممكن يحصل تسريب من أضعف نقطة في الدايرة
عشان كده غطاء الرادياتير بيتعمل فيه سوستة تسرب الضغط الزائد (ومعاه شوية بخار ميه) ويتحوش كل ده في القربة
وبعدين لما العربية تبرد.. ضغط الميه بيقل ويبدأ يشفط من القربة... بس حيشفط إزاي من غير "شاليمو"؟؟؟
الخرطوم ده هو الشاليمو... عشان يعوض الميه لحد آخر نقطة في القربة.
بس سؤال.. لما بصيت على القربة.. لقيتها مليانة ولا فاضية؟؟؟
لو مليانة يبقى اللي الكلام اللي بقولهولك ده صح إن شاء الله
لو فاضية..... يبقى فيه حاجة تانية
...