[فادى]

يا راجل حرام عليك كيا و لانسر ايه بس,
الكيا معرفش عنها كتير, بس كونها كيا ده كفاية لتكوين رأى سىء عنها!
اللانسر البومة سقتها لمسافة طويلة و كانت أسوأ سيارة قدتها فى حياتى, بطيئة و سخيفة و متعبة بشكل لا يصدق, و مهما كانت منتشرة أو سعر اعادة بيعها مرتفع أعذب نفسى ليه عشان 4-5 الاف زيادة هوفرهم بعد كام سنة و يا عالم ظروف السوق وقتها هتبقى عاملة ازاى.
عموما البرافو أحسن فى كل شىء تقريبا, أداء و متعة قيادة و رفاهية و برستيج و اعتمادية و تحمل و عمر افتراضى.
بالنسبة لقطع الغيار فمين قالك انو قطع غيار اللانسر و الكيا رخيصة؟ ممكن تكون ارخص من البرافو شوية لكن بكام و هتعيش اد ايه؟
انا عارف حيرتك جاية منين للأسف التجار هنا ميعرفوش أى حاجة عن ميزات العربية سوى سعر اعادة البيع و قطع الغيار و انتشار العربية, لكن الأداء و متعة القيادة و الأمان و التميز و دى أهم العناصر فى رأيى لا تعنيهم فى شىء, و ده اللى بيقود الناس فى اتجاه خاطىء تماما.
سيبك من كلام الناس, اختيارك صحيح تماما و أنت جبت عربية محترمة و مرشحة بشكل كبير للانتشار فى مصر فى المستقبل, فلا داعى للقلق.