مره من حوالي سنتين كنت معزوم علي فرح واحد صاحبي في الداون تاون في اسكندريه
المهم جماعه قرايبه دبسوني اني اوصلهم العجمي بعد الفرح و انا انكسفت ارفض و قولت مش مشكله
الفرح خلص علي واحده و نص و لقيت البيه العريس طلع هو وعروسته من القاعه و قاعد!!!
يالا يابني نروح يقولي طب شويه كده ..بقيت مستغربه
اتاري الطفس كان باعت يجيب اكل دليفري و قاعد مستنيه
المهم الاكل جه و طلعنا ورا بعض من الداون تاون لحد البيطاش و انا مش عارف طريق الرجوع
من علي الساحلي بس بعيد و كنت عاوز ادخل من جوه البلد اوفر في الوقت و كمان لان الوقت اتاخر
و قولت مش مشكله ابقي اسالهم..المهم بعد ما وصلت قرايبه سالت واحد قريبه قالي تعالي ورايا
و فضلت الف وراه يجي حوالي 40 كيلو و ندخل من اماكن و نطلع من شوارع و الساعه بقت تلاته و نص
فين و فين لقيته طلع بينا تاني علي طريق و اخد فتحه و نزل و انا قولت مش مكمل وراه دا شكله مش فاهم حاجه
و ببص اشوف انا فين لقيت نفسي قدام الشعله اللي في اول العجمي
يالهووووووووووي بقي انا عمال الف دا كله ورا واحد غبي علشان يطلعني مكان ما انا عارف امشي اساسا
اخدت نفس عميق و نزلت من الطريق و اخدت الطريق المقابل و مشيت فيه كانت الساعه حوالي اربعه
و الطريق فااااااضي مافيش كلب حتي يونسني علي الطريق
و اخدت الطريق الزراعي بعد معاناه و وصلت المحله الساعه سابعه الصبح
راجع طبعا مش شايف قدامي و مش قادر و يدوب اخدت دش و نزلت روحت الشغل
و طبعا مقتول و عمال اشرب في شاي طول النهار علشان افوق و اعرف ادعي عليه كويس
ههههههههههههه