رد: هاااااااااااااااام وعاجل وضرورى جدا
السلام عليكم
بخصوص اجراءات التأمين حضرتك هاتتوجه لمكتب التأمين المتعاقد معاه وتطلب استمارة ابلاغ عن حادث وتملى البيانات وتصور رخصة العربيه ورخصة القياده وهاتسلم الموظف الاستماره وصور الرخص وهايسألك العربيه فين طبعا هاتقوله مركونه علشان مش ينفع امشى بيها ,هايعطيك رقم تليفون مهندس التأمين اللى هايعمل معاينه للعربيه علشان تتفق معاه وتقابله ومهندس التأمين هايروح معاك ويصور العربيه طبعا قبل الاصلاح وبعدها تبدأ اجراءات الاصلاح ,لو انت مأمن على العربيه تأمين كلى طبعا يبقى تعملها فى التوكيل ومش هاتدفع غير حاجات بسيطه وهايغير لك كل حاجه جديد واصليه انما لو التأمين جزئى يبقى تشترى قطع الغيار وتروح مركز نضيف يظبطلك العربيه وف كل الحالات هاتدفع تكاليف الاصلاح وتاخد فاتوره وتتصل بمهندس التأمين علشان معاينه العربيه وتصويرها بعد الاصلاح وتسلم الفاتوره للتأمين وهاتستلم ان شاء الله الشيك بالمصاريف بعد اسبوعين.
ملحوظه : التأمين هايطلب منك ضمن الاوراق المطلوبه صورة محضر الشرطه لو التكاليف تتعدى 5000 جنيه واقل من المبلغ ده مش هاتحتاج محضر شرطه.
ربنا يوفقك وييسر لك كل عسير.
__________________
|