المشاركة الأصلية كتبت بواسطة amada
شوفوا ياجماعه هى العربيه اللى انا شفتها كانت خامتها مقبوله . والشكل العام للسياره فخم . وصاحبها شكرلى فيها عالاخر . وسالته عن سعرها فقال انه جايبها ب76 الف. ودا كان تمن من وجهه نظرى مش قليل على عربيه صينى لكن يمشى الحال اذا كانت فعلا جيده . لكن ب 84 الف مستحيل اجيبها وحتى على فرض ان خامتها ما زالت على نفس الجوده . اى كلام عنها وهى ب 84 الف لا يعنينى ولا هتكون فى قائمه خياراتى اصلا ..وعفوا ولا عند اى عاقل ..ازاى عربيه صينى 1500 سى سى منيوال ومش منتشره او معروفه وتكون بالتمن ده .... مالها النيو اكسنت والا الجين تو والاوبترا .حتى لو فيه الفين تلاته زياده هيكونوا لا شك فى محلهم ...الكلام ده انا بقوله عن اقتناع تام ورجاءا محدش يزعل لان فعلا 84000 بالنسبه ليها سعر يضحك .
|
الاخ الفاضل
اولا الجاك سعرها 82000 جنية
موضوع تكون من ضمن خياراتك او لا هذا الموضوع يرجع لك وحسب امكانياتك
واما موضوع ولا اي عاقل يقبل بهذا فأنا اختلف معاك فالو بالمنطق لو قارنا على سبيل المثال سعر الجاك بامكانيتها وخاماتها وشكلها وتقفيلها الداخلي والخارجي وكونها مستوردة , والاسبيرانزا 516 تقفيل مصري وما ادراك ما هو والشكل الخارجي والداخلي وسعرها الان 69900 اعتقد انه لا يوجد وجه مقارنة بينها وبين الجاك
ثانيا سعر الاكسنت يبدأ من 96000 جنية بدون اي كماليات ( الاساسية فقط )
سعر الاوبتر يبدأ من 92000 جنية .........
سعر الجين تو 87000 جنية
مع العلم انك اقل حاجة حتعملها مع اي عربية حتركب فرش للصالون جلد تكلفة حوالي 2500 جنية
وطبعا لو جنوط عادية و حبيت تغيرها ضيف كمان 3000 جنية
وهكذا اصبح الفارق كبير في السعر
ولك شكري وربنا يوفقك في عربية تكون مقتنع بيها لان الاهم من سعر العربية ونوعها تكون مقتنع بيها ونصيحة مني لا تفكر في موضوع سعر اعادة البيع لان السوق كل يوم في حال .
وعلى فكرة انا كان عندي اوكتافيا A5 اشترتها في 2008 زيرو وبعتها في 2009 وكانت عاملة 25000 كيلو وخسرت من ثمنها الاصلي 47000 جنية