المشاركة الأصلية كتبت بواسطة KHSIRAG
انا معاك تماما ان شكل ال 5008 اجمل كتير من الجراند بيكاسو بس سؤال يا باشمهندس عن البيجو 5008 هل هتنزل في مصر قريبا والمتوقع سعرها يكون كام - هي نزلت هنا في السعودية الاستاندرد ب 84 ألف ريال وعلى حسبتي بعد الجمارك ممكن تقف بحوالي 220 - 225 ألف والفول ب 93 ألف ريال يعني تعمل حوالي 240 إلى 245 ألف وعاملين عليها ضمان 5 سنوات أو مليون كيلو متر (طبعا دعاية محدش بيجيب مليون كيلو في خمس سنين) فإيه رأيك أجيبها من السعودية بالقسط وتقعد معايا السنتين تلاتة اللي فاضلينلي في السعودية واخدها وانا نازل والا انتظر لما اجيبها من الوكيل في مصر لما تنزل - سؤال مهم جدا لو اخدتها من هنا ممكن اعملها صيانة عادي في الوكيل والا لا - والسؤال الاخر انا قريت لحضرتك تعليق على ال 308 بتقول للسائل بس ابعد عن مواتير التيربو طيب ما هو ال 5008 وال جراند بيكاسو نازلين 1600 تيربو 156 حصان فإيه رأيك اتشجع في ال 5008 الاستاندارد والا خليني في 308 اس دبلو واجيبلها كرسيين وانا نازل واللي نعرفه احسن من اللي منعرفوش رغم طبعا فارق الحجم والشكل وكل حاجة بين الاتنين
في انتظار ردك وجزاك الله خيرا على تعبك في هذا البوست الرائع
|
الــــــــــــــ5008
الأسعار:-
من المفترض إنها تنزل مصر إن شاء الله السنة الجاية وبالنسبة للأسعار (تخمين) هتكون زى ما حضرتك قولت.
الضمان & الصيانة:-
دلوقتى الضمان سارى فى جميع الدول بغض النظر انت شاريها منين... يعنى مبقاش زى زمان فى تفرقة عنصرية ويقولك ملهاش ضمان عندنا علشان دى خليجى وطبعا الصيانات تعملها عادى جدا فى مصر.
الشراء:-
ده شئ يرجعلك انت... وطبعا بيبقى فى فرق بين مواصفات السيارة الخلبجى والمصرى زى مثلا قدرة كباس التكييف وهكذا..... بس لو اشترتها من الخليج هتضيف الى سعرها تكالييف الشحن والجمارك والحجات دى اعتقد انها تكاليف مرتفعة!!!!!.
المحــــرك التـــربو:-
انا عانيت كتير من التربو فى ال 308 وال 407 بسبب عدم توافر قطع الغيار ولو موجودة بتبقى تكلفتها عاليه بس لغاية دلوقتى مفيش أى مشاكل فى ال3008 التربو فى مصر.
فى النهاية انا طبعا بفضل ال 5008 عن ال 308