رد: زيت الموتور الافضل
بص يا باشا
انا معايا عربيه زي عربيتك بالضبط
موتور العربية دي بياخد ٣.٥ لتر زيت بالفلتر يعني لو مش هتغير الفلتر هتحط ٣ لتر
وده مش كلامي ده كلام الكتالوج
نيجي بقي لموضوع نوع الزيت
هنقسم الزيت نوعين
تخليقي وده بيقعد في الموتور علي الاقل ١٠٠٠٠ كم وسعره المتوسط ٢٧٠ جنيه لكل الماركات
معدني وده بيقعد ٣٠٠٠ كم وسعره المتوسط ١٢٠ جنيه في كل الماركات
وده معناه ان التخليقي اوفر ومش بس كدا ده افضل لموتور العربيه
وانت عربيتك ماشيه ١٦٠ الف في موتور زي بتاع الاكسارا يعني الموتور تماااام
انا عربيتي ماشيه ٢٦٠ الف وكبس موتورها لسه بيقيس ٩ و ٨.٥ بار ( مع العلم ان الزيرو بيقيس ١٠ بار )
يبقي نرجع تجيب زيت ايه
عندك في التخليقي
موبيل وان وده مصري
شل الترا وده اتحاد اوروبي
توتال كوارتز وده فرنساوي
فيسكو ٥٠٠٠ وده اماراتي
يبقي اكيييييد لازم تجيب توتال بما ان كتالوج العربيه نفسه بيقولك تحطه وكلهم بنفس السعر تقريبا
طيب لو العربيه عندك بقالها مده ماشيه علي الزيت المعدني ده معناه انك لو حطيت التخليقي يبقي هينقص في المكنه ( ممكن تجرب برده وتشوف جايز ما ينقص )
يبقي ساعتها هاتجيب المعدني اللي ب ١٣٠ وبيقعد لغايه ٥٠٠٠ كم
وكل الماركات اللي في السوق مصري سواء شل او موبيل او توتال
ماعدا فيسكو ال٣٠٠٠ ده اماراتي ونصف تخليقي
يبقي هو اللي يكسب في المجموعه دي وده ممكن يقعد في المكنه ١٠٠٠٠ كم عن تجربه
يبقي انت تجرب التخليقي لو مابينقص في المكنه او بينقص لتر واحد بعد الغيار اللي عند ١٠ ل ١٥ الف كم تمشي بالتخليقي علي طول
لو بينقص يبقي تجيب المعدني ويقعد معاك في المكنه ممكن ل ٥٠٠٠ لو نوع نضيف
|