[د.كمال]

المشاركة الأصلية كتبت بواسطة تامر ديزل على فكره يا د كمال : كتر التهديد والوعيد بدون تنفيذ بيصغر الناس دي مش بيخوف خصومهم ولا حاجه بالعكس ده بيطمع الناس فيهم ودي مشكلتهم وده اللي وصلنا للحاله البوظه اللي احنا فيها دلوقتي المؤسسه العسكريه فى حيره ....لو إستعملوا العنف يقولك بيضربوا المتظاهرين ولو سابوهم بيكسروا الدنيا ويقطعوا الطرق ويقفلوا الميادين ..فهما بيمسكوا العصايه من النص لحد لما يسلموا السلطه ....ونشوف بعد كده البلد هتمشى إذاى ربنا يسهل وينتهي الوضع ده بسرعه وييجي رئيس قوي يظبط البلد ويبعد عنه ولاد ال .. ولا بلاش .. لو جه رئيس من الخلفاء الراشدين برده مش هيعجب بالمناسبه تخيل حضرتك لو جه رئيس جديد منتخب تمام ... وجه ينفذ القانون على اي واحد مخالف والواحد ده من اخوانا اياهم مثلا ... تفتكر ياسيدي الفاضل هيسيبوه في حاله ؟ ولا المليونيات هتشتغل ؟ مجرد سؤال أنا أأكد لك إن الاعتصامات هتفضل موجوده على الفاضى والمليان طالما فى دعم مادى خارجى وداخلى . وطالما عشاق السلطه موجودين .. اما بالنسبه للمشتاقين للسلطه فهما كتييييييير اوي اوي واغلب الظن كلهم هيودونا ستميت سنه لورا سواء مجلس عسكري او مجلس رئاسي مدني اتئتلافي توافقي بالبراشوت

الرد فى الاقتباس