عملت حادثة امبارح
السلام عليكم
ازيكوااااااااا
امبارح عملت حادثة بالاسبيرانزا a516 و الحمد لله طلعت سليم منها بس العربية مش سليمة خالص :'( المهم بدون الدخول في تفاصيل الحادثة انا لزقت في الرصيف و انا علي 90 او 80 مش فاكر و ده كان الحل الوحيد قدامي بدل لما البس في عربية تانية كانت قدامي نيجي بقي للخساير و معلش عايزكوا تقوللي رايكوا اوديها التوكيل و لا بره (العربية موديل 2008 و طول عمرها في التوكيل) و التكلفة هتبقي كام بالتفصيل
1- القنطرة اتعوجت و هنعوز و احدة جديدة
2- الريداتير كله رجع لزق في الماتور من قوة الخبطة و غالبا كده باظ لانه جاب المية اللي فيه كلها علي الارض
3- الاكصدام اتكسر
اللي فات كله حمادة و اللي جاي بقي حمادة تاني خالص :D
4- المصيبة بقي اني لقيت حتة في الماتور مكسورة انا قعدت ادور لقيتها وش علبة التروس و مش عارف بقي دي بيتباعلها وش و لا لازم فتيس كامل و لا ايه هي علي فكرة الميكانيكية بيسموها (الفارغة بتاعة الفتيس )
شوفتوا بقي اللي حصلي كل ده من خبطة في الرصيف انا و الله اول لما نزلت قولت اخرها يعني اكصدام كامل مكنتش اعرف اني الموضوع كبير كده معلش بقي هتعبكوا معايا
__________________
شباب و قوة و غرور و فتنة و تسويف في التوبة حتي جاءت لحظات الوداع الاخيرة
|