السلام عليكم
انا معايا اسبرانزا 2007
وانا ماشي انهارده في امان الله فجاه لوحديها لاقيت العربيه بتقطع وبتبطل اكنها ماشيه 3 بوجيه بس
قولت ايه ده
المهم مروحتش المشوار الي كنت رايحه لاني مش حينفع امشي بيها وقلقلت يحصل حاجه المهم روحت لكهربائي عنده جهاز قلت احط العربيه واشوف يكون حساس او حاجه وقلت اشوف بالمره البوجيهات حاسس ان في واحد قاطع واحطها علي الجهاز واشوف ايه الي حصل المهم
حطيت العربيه علي الجهاز تمام كله تمام علي فكره لمبه epc مش منوره بس انا قلت اتاكد
المهم قالي كله تمام كل الحساسات مفهاش حاجه قالي غسلت العربيه طيب قلتله لا دي حاجه فجاه مش عارف ايه ده
رايح قالي نشوف البوجيهات قلتله طيب جاب جهاز كده بيكشف علي السلك والكهربه الي طالعه من الكويل ولما الكهربه بتوصل للبوجيه في الموتور بينور المهم كشف علي السلك والكويل علي بوجيه بوجيه كله تمام قالي تعالي نشيل بوجيه بوجيه ونكشف علي كبس البساتم قلتله طيب
المهم شال اول بوجيه وكشف تمام شال تاني بوجيه وكشف معلمش كبس خالص قالي البستم ده فاصل
قلتله ازاي كده لوحده يعني قالي مش عارف بس مش معلم كبس خالص قالي بس التاني كبسه حلو قلتله امال ممكن يكون ايه المهم قعد يبص كده علي البستم من مكان البوجيه حس ان في نقره كده صغيره علي البستم قالي شكل حاجه في الصبابات قلتله كده يعني لوحدها قالي مش عارف الميكانيكي هو الي حيقولك
المهم روحت للميكانيكي اول مسمع صوتها قالي دي صبابات قلتله ازاي قالي السير اتقطع وحد ركبه غلط ولا حاجه قلتله لا خالص زي مهو زي منته غيرته محدش جه جنيه ومعملتش حاجه في العربيه
المهم هو قالي انا بكره عحل واغير سير التقسيمه وحقسم تاني واكشف علي الشدادات وحجرب لو دارت تمام يبقي كان في حاجه في التقسيمه لو مظبطتش يبقي في حاجه في الصبابات
بكره انشاء الله عحل
المهم دلوقتي نفسي حد يقولي ازاي تعمل كده لوحديها انا حتجنن مش عارف
انا اسف اني اتكلمت كتير بس بجد نفسي اعرف ودعاوتكم معايا بكره واواجه مصيري
