المشاركة الأصلية كتبت بواسطة agamesta
فى حاجه احلى يوجد اكثرمن طرف كنترول فى الانزار يمكن استخدامه لنفس الغرض اتصل بى للتوضيح 01111719616
|
في الانذار لأ لما يلي:-
أولا اننا بنفترض ان من سوف يستولي العربية لاقدر الله هيأخذها دايرة (يعني فيها المفتاح و ريموت الانذار و كل حاجة)
ثانيا الاشارات اللي بتطلع من جهاز الانذار زي اللي بتروح للسنتر علشان يشتغل معاه بتكون في شكل سيجنال ارضي او كهرباء و بتبقي في صورة بلصة كهرباء يعني اشارة مدتها ثانية واحدة مثلا عند تلقي الوحدة امر الفتح او الغلق من الريموت ،،،، و بالتالي في الحالة دي علشان تطفي الموتور وهوه داير لازم تكون فكرتك في انك تدي تيار مخالف للتيار الاصلي علي فردة الكنترول و بالتالي ممكن ده يعمل شورت (قفله) في الكنترول و بالتالي لازم تغيره بعد كده و ده مكلف جدا.
ثالثا معظم الحرامية عارفين جهاز الانذار بيركب فين (عند القايم الامامي شمال اسفل التابلوه ) و ده علشان ده مكان مرور ضفيرة الكهرباء في 99% من العربيات و بالتالي ممكن يفك فيشة او فيوز وحدة الانذار اصلا ،،، فالموضوع بالنسبة له بسيط لن يأخذ أكثر من 10 ثوان بعد اقتحامه للسيارة ،،،،
علشان كده الفكرة هنا مختلفة و هي ببساطة انك بتحط للحرامي حاجة جديدة عليه مش متعود عليها و في مكان جديد خالص (تحت شلتة الكنبه مثلا) و يمكنك من التحكم الامن عن بعد من قطع دائرة كهربائية حيوية و اساسية لتشغيل الموتور (مش قفلة في الكهرباء) و كمان الريموت بتاعها شكله غريب و صغير و مش في الميدالية بتاعت المفاتيح اصلا .
و ربنا الستار
و عموما الف شكر علي الاجتهادات و التواصل و اتمني ان تشرح فكرتك مكتوبة حتي يتثني للجميع التواصل
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته
الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون