[اشرف حمدى]

المشاركة الأصلية كتبت بواسطة د.كمال بصراحه أنا بطلت اكتب فى القسم بسبب واحد كل شويه ينطلى فى كل موضوع وكل مشاركه ويشتم فى التوكيل ويكرهنا فى العربيه ويقولك شوف العربيه الفلانيه إنتشرت إذاى وعربيتكوا لأ ......لدرجه إنه طلب من الاداره غلق قسم الجاك دون مراعاه لملاك السياره المؤسسين للقسم ... إحنا عارفين إن التوكيل تعبان وبيغالى فى العربيه وقلنا إنه ذى الزفت ....لكن مش كل شويه تنطلنا فى كل مشاركه وموضوع وكأن ملاك العربيه عدوك الاول خصوصا لو انت مش هتشترى العربيه ومركبتش عربيات اصلا ........لهذا السبب بطلت الكتابه فى القسم عشان متصدمش بيه ... عموما السياره ممتازه جدا حتى الأن ......ومش هتكلم اكتر من كده وحبيت أوضح موقفى .

باشا انت راجل محترم وطيب قوى
انت تكتب زى ما انت عايز دة قسم ملاك الجاك وليس للمغرضين انا مثلا عايز اسال عن السيارة بدخل علشان استفيد من راى شخص محترم زيك ولو لقيت ناس بتزم وتلعن فى السيارة مش حشترى واخاف منها علما بانة لم يركبها وكمان ممكن مايكنش شافها من اصلة انما هذا الشخص مدسوس على القسم يكرة الناس فى السيارة لاسباب مغرضة لتذهب الانظار الى سيارة اخرة منافسة ويقل الاتجاة نحو الجاك لان الكلام الكويس فى حق السيارة دة فى حد زاتة اعلان للسيارة بدون ما تشعر هذا الشخص مش عايز كدة وعايز يستفيد من غلق القسم ومحدش يستفيد وتيجى تعرف معلومة معينة متعرفش وبعدها تصرف نظر عن السيارة وهلما جر صحيح الوكيل مش مديها حقها انما هى سيارة تستاهل طالما محافظة على روحها ولا اروح احط 60 الف او 70 الف وبعد 6او 7 اشهر تتعبنى واصرف عليها تانى يبقى ادفع من الاول زيادة شوية وانا مطمئن
يا دكتور كمال اكتب زى ما انت عايز ولا يهمك حقد الحاقدين ولا المندسين هناك من ينتظر المعلومة لتفيدة وانت سيد العارفين يا دكتور مش بيقولة اسئل مجرب .......واسف على المثل
ومنتظر من عن قريب شرح عن العروسة جاك لانى انا منتدب فى اسيوط من سنة ولا اعلم عنها اى شى ولا فى اسيوط اصلا سمعوا عنها منتظر الرد عن قريب واسف للاطالة