[كومندا]

بصوا بقا احنا المفروض لينا موصفات خاصه كده زى الخليج
الخليج ليهم موصفات خاصه عشان درجات الحراره عندهم عاليه
احنا كمان المفروض لينا موصفات خاصه عشان المتاريس والخنادق والحفر اللى فى الشارع
تيجى بقا انته تقولى عربيه رفارف فبر وسقف فبر وتقولى عشان معدلات الامان طيب ازاى ده انته لما بتشوف عربيه صااااااااااااااااج مخبوطه خابطه جامده بتبقا سندوتش يبقا ازاى الفبر هيتحمل اكتر من الصاج
وبعدين الاخ اللى بيقول عشان لو العربيه معجونه ممكن تفتح الباب عادى جدا وتنزل بكل سهوله هيه نمله اللى هتخبطنى ولا ايه الصاج المفروضه انه بياخد جزء كبير من الصدمه لكن لو فيبر يا هيتكسر ويتفرفت يا هيطبق على اللى جوه العربيه اكتر واللى جوه العربيه هوه اللى هيتعجن
فى ناس هتقولى لا العربيه كلها بتبقا مدعمه من جوه بصاج اكتر برده هقوله ولو
وبعدين فعلا شوفوا البيجو ال504 والمرسيدس القديم والفيات موديلات ال80عموما يعنى كانت تدخل فى عمود تكسره وهيه كبيره الصدر بس الخبطه متوصلش عمرها للصلون
يخونا البى ام دبيلو القوايم بتعتها عباره عن 3 طبقات من الصاج واحنا بنتكلم فى فيبر
شوفوا اوبيسات النقل السياحى او اللى شغاله بين المحافظات لما حته من دهر الاتوبيس الفيبر بتتخبط بيبقوا عملين يمعجنوا فيها ويلزقوا فيها

مع العلم انى من اشد المعجبين بالوجان عشان السعر اللى المفروض كانت هتنزل بيه الاول اللى هوه 37 الف مش 56و70 الف
وبعشق حاجه اسمها ميجان
معلش انا طولة اوى بس حاجه مستفذه بصراحه