السلام عليكم
انا والحمد لله جبت من قريب عربية سيراتو 2011 SX
حبيت بعد ما جبتها اني اركبلها جهاز انذار .. كنت حابب اركب فيه وحدتين رفع عشان اقدر اقفل بالسنترلوك الازاز والابواب مع بعض
لكن الراجل وهو بيركب وحدات الرفع قالي انه مش هينفع يشغلها علي الاربع ابواب وانها هتبقي علي 3 ابواب بس والباب بتاع السواق مش هيقدر يوصله بوحدات الرفع عشان الكهربا ارضية مش علي كتاوت - تقريبا قالي حاجة زي كدة لاني مش فاهم معناهم - وقالي انه ممكن يعمل الكهربا - تقريبا برضه - علي كتاوت ويشغل الوحدة علي الاربع ابواب بس قالي العربية زيرو وانا مش عاوز العبلك في الكهربا بتاعتها
عموما انا قلتله متركبوش لان اللي خلاني حطيت ايدي وقفلت واحد يبقي هقفل الاربعة وخلاص
بس هل كلامه صح .. وهل فيه حل للموضوع ده من غير ما يضر العربية ولا يأثر علي اي حاجة في الكهربا بتاعتها ؟
معلش طولت عليكم .. ومشكورين مقدما علي الرد !
وياريت الناس تستحمل اسئلتي الفترة اللي جاية لانها اول عربية اتعامل معاها وخبرتي في العربيات مش قد كدة ....
