[hisam2010]

المشاركة الأصلية كتبت بواسطة م\محمد الوكيل السلام عليكم ورحمة الله وبركاته لو سمحت يا بشمهندس انا معايا بيجو 406 اوتوماتيك موديل 2003 من كام يوم كده حطيت بنزين في بنزينة اي كلام بعدها بيوم تقريبا لما بقيت اقف في اشارة ولا حاجة وابقى جايب الفتيس ع D العربية بتقعد تترج جامد وعداد rbm بيتحرك بسرعة من 0-1 واحيانا بتفصل فصلت تقريبا معايا 10 مرات في اليوم ده كل اما اقف في اشارة بس لما بدورها تاني بتدور من اول مرة مش بتقطع يعني وظهر عندي في الطابلوه صورة المتور وقريت عنها انها بتبقى مشكلة في المحرك او انبعاث البنزين ودلوقتي الحمد لله العربية ماشية حلو ومش بتفصل تاني ومش بتقطع بس انا قلقان ليكون حاجة واسيبها كده ولا اعملها فحص ولا خلاص ما دام ماشية اسيبها تمشي واحيانا لما ببقى ماشي في طريق زحمة اووي يعني اقف في طريق ساعة ولا اتنين كده بلاقي عصاية الفتيس سخنة بصورة ملفته هي والهاند والجزء ده كله فكده ليهم علاقة ببعض ولا لا عشان مش عايز اروح لميكانيكي يقلي كلام مش فاهمه ملحوظة يا بشمهندس : انا الشكمان عندي عايز علبة بس انا لاحم كده لغاية ما اشتري وهححط لحضرتك صورة من الصورة اللي ظهرت في التابلوه http://www.**********.net/Nile/212212-a.html ظهرت عندي الصورة رقم 34 بتاعة المحرك

وعليكم السلام ورحمة الله وبركاته......
1- اللمبة الى ظهرت فى التابلوه عند حضرتك دى معناها ان فى مشكلة فى منظومة حقن الوقود للمحرك...ومشكلة الى RPM الى بينزل ويطلع دى ..لازم تنظف بوابة الحقن وتشوف انت اخر مرة غيرت بوجيهات امتى لانها بتغيير كل 20 لو 30 الف كيلو متر وتحط العربية على جهاز تشخيص الأعطال علشان تمسح الأعطال وبالمرة تتطمن على عربيتك.
2- مشكلة سخونية عصاه الفتيس وعصاه فرامل اليد دى سببها ثقب فى الشكمان اسفل عصاه الفتيس .... فلو عندك العلبه الوسطانيه للشكمان فيها مشكلة غيرها فورا