[فادى]

اعمل ايه بشباب الفيات و رشاقة الالفا لما تظهر مشاكلها و طبعا انت عارف ان سمعة فيات و الفا سابقاهم من الناحية دي خصوصا من ناحيةالمشاكل الكهربائية و ان كان في تحسن واضح في كلا الماركتين لكن لسة بدري لما يحصلو الالماني و علي مالناس تقتنع. اما بالنسبة للروح و الكلام دي فالالمان مبعترفوش بية. العربيات الالماني بتيقي مبنية علي اساس هندسي عالي و كل جزء بيبقي مصمم لعم غرض معين في تكامل مع باقي الاجزاء التانية. و موضوع السائق الحقيقي ده انا سمعتة هو هو بس كان علي البي ام اللي ما فيش اتنين يختلفوا علي المتعة في سواقتها

اعتقد انو الحديث عن أعطال الفاروميو و فيات موضوع خارج الاطار الزمنى حاليا,
حتى الحديث عن اعطال سيتروين و رينو خارج الاطار الزمنى ايضا,
كل هذه الشركات تحسنت اعتماديتها بشكل ملحوظ فى السنوات الأخيرة,
فيات صممت نظام ألى لتصنيع المحركات اسمه FIRE, Fully Integrated Robotized Engine, استطاع هذا النظام انتاج محركات بجودة عالية و اعتمادية متفوقة, كما قلل من تكلفة الانتاج.
لمن لا يعلم فان مصانع فيات هى مصانع السيارات الأكثر ميكنة فى العالم.
ده الى جانب انها الشركة الوحيدة التى استطاعت تقليل عدد القطع المستخدمة فى صناعة السيارة بنسبة كبيرة, مما انعكس على تخفيف الوزن و تحسين الاعتمادية و تقليل تكلفة الانتاج.
و مؤخرا احتلت الباندا صغيرة فيات مرتبة متقدمة على صعيد الاعتمادية فى المانيا, بلد المرسيدس و البى ام!
زمان كنا بنقول انو السيارات الايطالية هى سيارات رياضية الطابع بجودة غير مكتملة,
أعتقد انو حكاية جودة غير مكتملة دى لا محل لها من الاعراب الأن,
و حتى فى مصر, عمرنا ما سمعنا عن حد بيشتكى من فيات بونتو أو سيينا أو بترا,
ده الى جانب انو سيارات فيات القديمة مازالت تجرى فى شوارع مصر بكفاءة عالية, و99.99% منها بنفس موتوراتها اللى نازلة بيها, الشباب بتشد بيها و تتشقلب و تاخد غرز و تلبس فى مطبات و تسافر و تروح و تيجى بعربية عمرها 20 و 30 سنة!!
و هنروح بعيد ليه أنا معايا شاهين بقالها 70 الف تقريبا من غير مشاكل تذكر, رغم انها اعادة انتاج تركى-مصرى لسيارة فيات قديمة من السبعينات.

المرسيدس فى الفورملا ون انا من محبى مشاهده الفورملا ون مسئلتش نفسك مين الى سايق الفرارى فى الفورملاون طبعا بطل العالم على التوالى الالمانى مايكل شوماخر يعنى الى كسب وسرع العربيه الفرارى هو السواق الالمانى

مايكل شوماخر سائق عظيم ده صحيح,
و لكن تذكر انو فى الفورمولا وان 80% بيعتمد على العربية, و 20% فقط للسواق,
مايكل شوماخر قعد أول موسمين مع فيرارى من غير بطولة لأن سيارة فيرارى ساعتها كانت سيئة,
بلاش شوماخر عندك دايمون هيل, كان بطل مع ويليامس, و لما سابهم و راح جوردان على ما اعتقد الموسم اللى بعديه علطول مشافش خط النهاية, لأن عربية جوردان كانت سيئة,
اذن العربية لها العامل الأكبر فى تحديد البطل, فيرارى كسبت 16 بطولة سائقين و هى الأكثر فوزا على الاطلاق فى سباقات الفورمولا وان, و سعرها مرتفع من قبل مايكل شوماخر,
الحاجة الأخيرة انت عارف مايكل شوماخر الألمانى بيسوق ايه فى حياته العادية؟
فيات باندا, و هو يشيد بيها جدا, كما أنه مشهور بحبه لمنتجات الشركة الايطالية و اعلانات فيات كلها مايكل شوماخر.
مايكل شوماخر ذات نفسه بينصح بمنتجات فيات.