السلام عليكم ورحمة الله وبركاتة
وكل سنة وحضراكم بخير
انا لاحظت انا جميع العربيات الألمانى وحدة الكنترول بتاعتها مش موجودة فى المحرك .. وبتكون موجود تحت غطا المساحات
وبعدين عرفت انهم عملو كدة علشان تكون بعيدة عن مصدر حرارة المحرك وبعيدة عن اى مصدر مياة .
وبعدين عرفت انا اغلب اعطال الكنترول بتكون بسبب يأما الحرارة او الغسيل دة لو مكنتش سبب كهربى .
فى عضو معانا هنا فى المنتدى معاة عربية لاستى زى بتاعتى وحصلت عندة مشكلة فى خرطوم المياة وكانت النتيجة خروج مياة منة وفقدان للكنترول يونت .
فانا فكرت وقررت انى اعزل واحمى الكنترول عندى فى العربية واوفرلة درجة حرارة كويسة الى حد ما .
دى صورة الكنترول يونت عندى فى العربية
الادوات الى هستخدمها ان شاء الله
1- عدد 2 مروحة بروسيسور بالمبرد
2- هنعمل علبة خشب ع قد الكنترول يونت وفيها فتحتين ع من الوش نفس مقاس المروحتين وظهر العلبة الخشب هنعملة فايبر مش خشب لان مفيش مكان ورا الكنترول يونيت .. ( اخترت الخشب لانة اقوى فى العزل)
3- متر عازل حرارى
4- هنروح لاى حد بتاع خردة ونشوف خرطوم مياة او هوا يناسبنا علشان يجيب هوا للمراوح من برة .
ان شاء الله بعد العيد هبدأ فى التنفيذ وهصورلكم العملية خطوة بخطوة
انا كدة خلصت كلام وعاوز اعرف منكم حاجتين
اية رايكم فى الموضوع دة ؟؟
ياريت لو حد عندة اى اقترحات افضل يفيدنى بيها وشكرا ليكم