المشاركة الأصلية كتبت بواسطة ابومالك فايد
السلام عليكم ورحمة الله وبركاته
في هذا الموضوع سنناقش مشاكل واعطال مازدا 323 وكل من كان عنده مشكله يذكرها ليستفيد الجميع
ويا ريت الموضوع يتثبت او يكون له را بطه خاصه تندرج تحت عنوان مازدا في المنتدي لان العربيه دي منتشرة واثبتت كفاءة عالية
اولا انا ابتدئ
بالنسبة للسيارة
صالون واسع وكراسي مريحة
الشنطه واسعة جدا
العفشة ناعمة وخفيفة
السحب معقول جدا
صوت المحرك خفيف
استهلاك البنزين معقول جدا 180 الي 200 كيلو في الصفيحة
قطع الغيار متوفرة الي حد ما ولكن في اماكن معينة وسعرها معقول
السعر الان ما بين 17 الي 25 الف حسب الحاله العامة للسيارة
يا ريت اي حد عنده معلومه او مشكله يذكرها حتي يستفيد الجميع ويتم تثبيت الموضوع باذن الله
|
الموضوع ده فيه معلومات جميله عن المازدا
http://www.masrmotors.com/vb/archive...p/t-18946.html
قطع الغيار رخيصه ويوجد فى الحرفيين محلين كبار للاستيراد مازدا 323 فقط
اخبارها ايه في المطبات الواعرة تستحمل ولا ايه؟
,هل الافضل 1300cc,ولا1500cc؟
واستهلاك البنزين اخباره ايه ؟
البنزين : حتى لاتكون احلامك ورديه بخصوص استهلاك البنزين داخل البلد استهلاك عادى
تستحمل 80 كيلو فى اليوم
خارج البلد على الطريق انا اسافر من الزقازيق الى الاسكندريه 250 كيلو بحوالى صفيحه 20 لتر
الميزه ممكن تحط ينزين 80 ودى ميزه
السياره كانت 1300 cc وطبعا هتلاقى الكاربرتير مش استاندر يعنى اتفتح واتنظف كتير يعنى حالنه 70 %
بالنسبة لقطع الغيار اخبارها ايه؟
الفوانيس جديده امامى 240 جنيه وش ازاز فقط للفانوس 15 جنيه
خلفى كامل 35 جنيه وش فقط الشريحه 8 جنيه يعنى كامل 3 شرايح 24 جنيه
عملت عمره ومخرطه و بساتم حوالى 1500 جنيه
المساعدين غاليه شويه الاربعه بالكارتونه 1300 جنيه
ذراع النور والمساحات والاشارات 90 جنيه
على فكره
جميع الاسعار التى كتبتها لك اسعار من حوالى 8 شهور
hazem_khidr
عربيه ممتازه و افضل ما يمكن شراؤه بهذا التمن
عيبها الوحيد انها واطيه اوي علي الارض و بتحك في المطبات العاليه
كان مع ناس اصحابي ايام الكليه و كانت موفره جدا في البنزين
و عربيه ناعمه الي اقصي مدي و سحبها كويس جدا سواء 1300 او 1500
مافيش منها كوري كما يشاع بين الناس
و الكلام دا من بق واحد كان شغال في ماجد و لطفي ايام ما كان معاهم توكيل مازدا
و هما اللي كانوا مدخلين العربيه دي لضباط الجيش وقتها
سيبك من اقتصاديه فى البنزين استهلاك عادى ولكن معقول وممكن حل اخر تروح لمتخصص كاربرتير فقط واشترى طقم صيانه يابانى وليس تايوانى وركبه سيكون الاستهلاك افضل وخلى البك (الفونيا 110 )
العربيه ليست ضعيفه ابدا ومحترمه والكبالن لو فى الملفات هتمور زى اى عربيه كبالن هيعيش معاك
على فكره الموديلات القديمه اقوى وافضل من الحديثه من حيت الصاج والمتانه
اهم شيىء الزيت والميه وعيش حياتك ومتصدقش اى كلام
افحص العربيه كويس قبل الشراء
العيوب
غيرت 2 دينمو استيراد خلال 7 سنوات