[د.هبه77]

هو طبعا كلنا عارفين ان يوم عرفة له فضل عظيم اكيد
ودي معلومة مش محتاجه تأكيد ويمكن حضراتكو كلكم عارفين فضل صوم هذا اليوم العظيم اكتر مني
لكن المطلوب اية
لية ميكونش عرفة السنة دي احسن من اللي فات
يعني لية زي ما بيقولو كدة منكونش تجار نوايا وننوي نيات متعددة لكسب ثواب اعظم لهدا اليوم الفضيل
وكل ما تحس بفضلة اكتر وتعرف ثواب العمل فيه اكتر واكتر تكسب ثواب اعظم
لية متخططش لكل لحظة في هذا اليوم
حتي لو انت في الشغل
زعلان طبعا انك رايح الشغل ؟
طب اية رايك انك في شغلك ممكن تاخد ثواب اكتر من اللي قاعد في البيت عمال يقرا قران ويصلي ويعبد؟
ازاي ؟
تنوي العمل بتاعك دة لله لان كلنا بننسي النية دي
لخدمة اخيك المسلم
:
هل جزاء الإحسان إلا الإحسان


*قال رسول الله صلى الله عليه وسلم :
إن لله خلقا خلقهم لقضاء حوائج الناس يفزع الناس إليهم عند حوائجهم أولئك الآمنون من عذاب الله يوم القيامة

*قال صلى الله عليه وسلم :
إن لله نعما عند أقوام أعطاهم إياها وأقرهم فيها ما لم يملوا الناس فإذا ملوا الناس سلبها الله تعالى منهم ونقلها إلى غيرهم

*قال رسوا الله صلى الله عليه وسلم :
من مشى في حاجة أخيه فبلغ فيها ( أي مشى بإخلاص ) قضاها أو لم يقضها كان خيرا من اعتكافه في مسجدي عشر سنين

ممكن وانت في الشغل طول الوقت تكون في ذكر لله
لسانك ميبطلش استغفار مثلا
اختار ذكر معين وكرره
اعمل حاجه تفكرك
مثلا تلبس الساعة في اليمين بدل الشمال (خليها الساعة)
عندك راحة في وسط العمل
استغلها في الدعاء وقراءة القران
والحاجه الرائعة كف لسانك في اليوم دة عن الجدال والغضب
قال صلي الله عليه وسلم انا زعيم ببيت في ربض الجنة لمن ترك المراء وان كان محقا
عايز تاخد ثواب مضاعف ؟
ذكر من حولك بالذكر لان طبيعة الانسان النسيان
وكمان ذكر من حولك بالذكر ...بكل ذكر يقوله تاخذ انت ثواب
متضيعش فمتو ثانية بكرة
دة هيكفر سنة يعني 365 يوم فاتو و365 يوم جايين
بصراحة
صفقة هايلة والتمن ..... نهار
يعني 12 ساعة تكسب بيهم 730 يوم
يعني نص يوم تكسب بيه 1460 ضعف !!!
دة لو كان الحسنة هتاخد بيها حسنة واحدة
اما لو 100 ضعف شوف انت بقي 146000
والله يضاعف لمن يشاء
يعني ممكن اكتر
اعتقد صفقة رائعة
كفاية بقي عشان مطولش عليكو
اللهم ارزقنا الاخلاص

http://www.youtube.com/watch?v=PxQGde_cUmc&NR=1