[abuzaid30]

عملة طقم شنبر للموتور لان سحبه كان ضعيف وبيخرج منه دخان ابيض عند التدوير صباحا , المهم نصحنى الميكانيكى ان اغير ضفيرة السياره لانها وحشه وهتعمل مشاكل على حد قوله !! وذهبت لكهربائى المفروض انه جيد معرفة احد الاصدقاء ,كشف على الضفيره وقالى الافضل تتغير ونجيب ضفيره استيراد بعلبة الفيوزات , وثمنها الف جنيه , قلت له ماشى , واحضر الضفيره بمعرفته ورأيتها وركبها تمام , ثم اتصل بى وقالى هنغير الكارته (الكمبيوتر) علشان كارة السياره الاصليه غير متوافقه مع الضفيره الجديده وهندفع فرق 150 ج !!! قلت له انا مستغرب من عدم توافق الكارته على الضفيره وعامة اللى انت شايفه صح اعمله , ركب الكارته واستلمت السياره , وكانت معقوله وفضلت الين السياره لمدة اسبوعين او اكثر وكله تمام !!!! وبعد حوالى شهر لمبة اوفر دريف نورت ( تنور وتطفى ) والجيربوكس (اتوماتيك) بيطلع على الثالث !! ارسلتها للكشف بالكمبيوتر فأكتشفت ان كارتة السياره شوما مش سيفيا !!! وده سبب عدم توافقها مع الضفيره , المهم رجعت للكهربائى وواجهته بتركيب ضفيرة وكارتة شوما فى السيفيا فحاول اقناعى ان المكنه واحده وماتفرقش والدليل ان السياره كانت ماشيه لمدة شهر !! وجدت ان كلامه معقول ووعدنى بأنه سيبحث فى موضوع لمبة الاوفر درايف هيضبط الجيربوكس لان المشكله كما حددها كهرباء مش جيربوكس !!! ولزيادة التأكيد اتصلت بصيانة سيفيا وحكيت الموضوع فقاللى المهندس ان الكلام ده عك ومايعرفش يجاوب على سؤالى اذا كان فيه مشكله من هذا التبديل ام لا لانه لم يجربه من قبل !! طبعا عنده حق , ولكن زادت الحيره فأردت ان اشاركك اعضاء الرابطه الافاضل لعلى اسمع منهم رأى فصل علما بأننى من الاسكندريه والسياره موديل 99 كورى وكانت معى اكثر من ممتازه قبل هذا العيب . شكرا مقدما لكل من ساهم فى الرأى .