[محمود زيزوو]

المشاركة الأصلية كتبت بواسطة Exact مختلف معاك في حاجات كتير حضرتك بتقول ابعد عن زيوت ال 5000 وال 10000 بمعنى اني استعمل زيت معدني اللي بيقولوا عليه 3000 وده اكبر غلط... لانه مع ظروف التشغيل الفظيعة من حر وزحمة هيتشمع ويتحول لحاجة زي شحم هيسد مجاري الزيت...بالاضافة لكونه بيتجمد فالشتا فممكن يحتاج له 5 ثواني على ما يوصل لكل دورة الزيت في بداية التدوير...ده غير انه مخالف لتوصيات الصانعين كلهم اللي متكلمين في استخدام زيوت 10000 التخليقية...حضرتك انا باستعمله فالسويفت وكنت بانزله على 15000 بس بشرط استخدام فلتر زيت اصلي مثلا الشائع للسويفت فلتر الزيت ب 15 انا كنت باجيب نوع ب 40 جنيه...زيت الموتور لو ماسودش يبقى زيت اي كلام لأن من وظايفه التنضيف والتراب اللي حضرتك بتتكلم عنه ده هيدخل للزيت منين اذا كان فلتر الهوا كويس حاليا انا باستعمل شيل هيلكس الاصفر وبانزله 6000 كيلو بيكون معقول فلتر الهوا لو انت في منطقة متربة وبتمشي في ارض زراعية يتغير كل 20000 ولو في مدن يبقى 40000 وكل ده مرهون بحاجتين ...اولهم ان الفلتر يكون نوعه محترم وتانيهم انك عالاقل مرة كل اسبوعين تنضفه بالهوا فلتر البنزين شرحة بس مش معقول برضه كل 3000...انا باجيبهم في اسبوع او 2 تيل الفرامل حضرتك مش بيتغير الا اذا قل سمكه الاجمالي عن 8 مللي للامامي ودي في كل العربيات...انا معدي بالاصلي بتاع العربية اكتر من 100000 كيلو وشلته لما سمكه قل عن كده فقط...3 شهور مش منطق البوجيهات انا عكسك بقى باجيب بيهم 10000 واقلبهم على طول بس باجيب ان جي كي العادي مش الايريديام او البلاتينام وفي النهاية اللي بيفصل اسلوب القيادة وتوصيات الصانع وجودة قطع الغيار رجاء عام للجميع تحري الدقة في المعلومات لأن فيه ناس كتير متعرفش وبتاخد معلوماتها من المنتديات وتشكر على مجهودك

بجدكلام منطقى جدا جدا وكنت هعلق عالية جبت المفيد وشكرا لصاحب الموضوع