[nonnos5]

انا الموضوع ده جابلى جنون بجد انا لسه امبارح دكتور جارنا بيسالنى عن واحدة تويوتا كورولا بقوله انت مش لسه بايعها قالى بعتها علشان مانيوال وهجبها اوتوماتيك قولتله وانت اكيد برضك بعتها علشان تجيب 1600 cc علشان اللى معاك كانت 1300 cc قالى ما انا بدور اصلا على 1300 cc وتكون حالة شاذة استغربت جدا وقولتله دى كده هتعدى 100 الف من بدرى قالى هتعدى 120 كمان قولتله مش حرام تدفع اكتر من 120 الف فى عربية بقالها اكتر من اربع خمس سنين و 1300 cc قالى انا اتفرجت على واحدة امبارح ماشية 5000 كيلو فقط وموديل 2007 وصاحبها طالب فيها 146 الف ومش عاوز ينزل طبعا انا اتجننت وقولتله يادكتور ده ب 120 الف اجيبلك واحدة هوندا سيفيك 2008 او 2009 وجبارة قالى لاء التويوتا احسن بقوله انت عارف انا كنت وقت ما اشتريت العربية بتاعتى زيرو لانسر 2007 رياضية كنت هجيب تويوتا كورولا كانت ارخص كانت 116 الف بس مارضيتش علشان 1300 cc وجبت لانسر كامله رياضية 1600 cc ب 122 الف قالى ما انا عارف انها كانت زيرو ب 113 كمان قولتله يعنى هتشترى العربية مستعملة بعد خمس سنين اكتر من سعرها زيرو قالى اه مش عارف الناس جارلها ايه لما تحب ترفع عربية بتجبها السماء ولما تحب تنزلها تجبها الارض