الصحبة ثم الصحبة ثم الصحبة ثم الصحبة ..
انا و صحابي الحمد لله رحنا كل حتة في مصر مع بعض ..
شرم - الغردقة - طابا - دهب - الساحل - اسكندرية - مطروح - اسماعيلية - راس البر كمدن ساحلية ..
طنطا - المنصورة - الزقازيق - المحلة - دمياط الجديدة كمدن للفرجة ..
الزعفرانة كرحلات صيد على الطاير ..
و من اجمل الايام رحلة النايل كروز بين الاقصر و اسوان ..
و اللي مجربهاش خسر كتييير ...
و ده غير انه احنا الحمد لله مسيبناش حتة فيكي يا قاهرة و مروحنهاش ..
لا متاحف و لا مساجد و لا كنايس و لا معارض ..
و طبعا و لا كافيهات و لا ملاهي و مطاعم و لا حتى ركوب الخيل ..
و كل ده معظمه حصل في الابيزا حبيبة قلبي اللي لفيت بيها مصر كلها ..
و ايام الكلية اللي و الله ما في زيها ..
و احنا كشلة اصحاب من 2 اعدادي عندنا يوم الخميس ده مقدس للفسحة ..
حتى لو عندي امتحان دكتوراه يوم الجمعة لازم اخرج الخميس ..
و لازم 4 او 5 ايام في الصيف مع بعضينا .. بلا مراتات و لا اولاد و لا غيره
و ربنا يديم المعروف ..
و نقدر نمد نشاطنا الضايع ده لبره البلد بقى...
و شكرا على الموضوع الجميل