رد: تجربتي مع شاب جد أسمه محمد زوزا
متشكر جدآ لأهتمامكم
و الله يبارك فيكم
و بالنسبة لضمان الموتور و الفتيس هوه شهر
و هوه أكدلي أنه مسئول عن ده تمامآ
و أنا اختبرت الموتور في البنزينه
كانت النتيجه 75% و الحمد لله
و هوه علل ده بأن الفك و التركيب على حسابه
يعني المفروض يديني موتور حالته كويسه عشان ما يكلفش نفسه فك و تركيب اكثر من مرة
و كمان بصراحة حصلت مشكله تاني يوم بعد ما ركبت الموتور و كان لسه الكهربائي ما ظبطش الضفيرة بس الحمد لله جت سليمه
الي حصل ان الكهربائي عنده صبي عنده نسبة تخلف ربنا يشفيه
كنت انا نايم في العربية على الكنبه و هوه شغال بيظبط الضفيرة الجديده على الموتور
قام الصبي جايب علبة صفيح فيها بنزين و جه عاوز يساعد في تنظيف الضفيرة من نفسه محدش قاله يعمل كده اصلآ
قام حاطط الصفيحة على البطارية
قامت مشرزة واتقلبت منه و ولعت في الموتورو الضفيرة و الارض تحت العربية
و هوه كمان أيده اتصابت
الحمد لله اصحاب المحلات المجاورة لحقوها بالطفايات
حوالي 4 أو خمس طفايات كبيرة لحد ما طفوها
الله يباركلهم
لمهم أني شفت الضفيرة اتأثرت
فأتصلت بمحمد زوزا بقى مش مصدق الي حصل
بس قالي خليه يفك الضفيرة و بعت ضفيرة تانيه سليمه
و مارضيش يدفعني حاجه من تمن الضفيرة الي اتحرقت
و انا كمان تعمدت اديله ضفيرة الموتور القديم بتاعي كشيء من التعويض
الراجل محترم جدآ
و الحمد لله
اشتريت منه فانوسين ب 200 جنيه
و اشتريت فبرتين بيتركبوا في الأبواب فوق الزراير بتاعة الازاز
الفبرتين بالعافيه ب 60 جنيه
و غيرلي عوامة البنزين كانت مش شغالة
و الحمد لله
اديته صور البطاقة و الرخصة عشان ورق الافراج الجمركي
بإذن الله بياخد اسبوع عشان الورق يخلص
و شكرآ لحضراتكم مرة تانية
سلام
__________________
لا حول و لا قوة إلا بالله
طباعة الكتالوج و البوستر و التكت و الأستيكر و الدفاتر و الشنط الورقية وعلب الدوبلكس
فقط أتصل يصلك مندوبنا في القاهرة و المحافظات
01110107705
22518148 02
من أهم عملاؤنا :شركة الدلتا ( إيديال زانوسي ) - تكنوجاز - أولمبك جروب - كوفرتينا - هني ويل - سيراميكا كليوباترا - آلبو جروب - آميكو مديكال - آنجلو تكستايل - حلواني لابجيت - العمده للألبان - و غيرهم و لله الحمد .
ashre_printhouse@yahoo.co m
|