[تامر ديزل]

الفريق سعد الدين الشاذلي مهندس حرب اكتوبر وواضع الخطه اللي تم تنفيذهامن يوم 6 الى يوم 12 اكتوبر وكان اسمها خطة الماذن العاليه
الفريق سعد الدين الشاذلي كان عارف ان لاسرائيل مقتلين : قلة عدد جنودها بيخليها تولول مع كتر الخساير البشريه وطول مدة الحرب بيخلي الحياة تقف تماما في اسرائيل لان العمال والمزارعين وحتى المدرسين بيتم استدعاءهم للخدمه في الجيش وبتتوقف الحياه الاقتصاديه تماما
وكمان خطته كانت بتحرم اسرائيل من اهم عنصرين للتفوق وهما الهجوم من الاجناب لانه كان مركز القوات على البحرالمتوسط شمال القناه وف خليج السويس جنوب القناه وكمان لما احتل الجيش المصري منطقه بعمق 12 كم داخل سيناء بكده منع اسرائيل من ميزة الدعم الجوي السريع للمدرعات الموجوده عند خط النار لانه هيكون تحت مظلة الدفاع الجوي المصري وبكده يكون حيد سلاح الجو الاسرائيلي اللي هوا القوة الضاربه في الجيش الاسرائيلي واللي بيعتمدوا عليه ف تنفيذ وتحقيق جميع انتصاراتهم