28-09-2011, 02:14 AM
|
 |
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
|
|
تاريخ التسجيل: May 2008
الموقع: ام الدنيا مصر
المشاركات: 17,067
|
|
رد: يعني ايه عمرة ؟
المشاركة الأصلية كتبت بواسطة ehab7bob
شكرا جزيلا . بخصوص حتة فابريكة ده كدة تبقا حاجة وحشة يعني اما عربية من سنة 80 و لسة بنفس الدهان اكيد هتبقا متقشرة و حالتها تعبانة و بردة لو جوة يبقا عفشة اتهرت 30 سنة و متقطعة . مش كدة ولا انا غلطان
|
المقصود بمصطلح فابريكا بيكون الدهان غالباً ملوش دعوة بالعفشه او الموتور
ومعنى ان العربيه فابريكا حتى لو دهانها مقشر انها معملتش حوادث مؤثرة قبل كده
وكلمة فابريكا ليها تصنيفين فابريكا دواخل وفابريكا بره وجوة
الدواخل هى اساسيات جسم العربيه ( حوض امامى - قوائم الابواب والسقف وحوض الشنطة الخلفى وطبعا الشاسية من تحت ) وطبعا اى حوادث جامدة بتاثر على المناطق ديه واعادة تصليحها بيحتاج لحامات وزراجين واثارها بتبان على الصاج فبتترش الدواخل لاخفاء اثار اللحام والاصلاح ولمنع الصداء (البارومة)
الخوارج هى باقى الاجزاء من رفارف وابواب وعتب وكابوت وشنطة
وفيه كمان بيقولو ساعات راشة حزام وده معناه انها راشة الجنبين فقط وباقى العربيه فابريكا
وفيه بيتقال راشة نظافة وده بيبقى غالبا من اثار خرابيش او حكات بسيطة والاصول فى الحالة ديه ان العربيه بتتسنفر وتترش تانى بدون استخدام معجون
اذن الموضوع كله تقدير حالة جسم العربيه عموما وما اذا كان تعرض لحوادث خطيرة قبل كده او لاء وبالترتيب من الافضل للاسواء كالتالى
فابريكا بره وجوه
فابريكا دواخل ورشة حزام نظافة
فابريكا دواخل ورشة حزام (رش ومعجون)
فابريكا دواخل ورشة خوارج كلها ( سواء نظافة او رش ومعجون)
راشة بره وجوة وده الاسواء على الاطلاق
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|