السلام عليكم
ازيكم ياجماعه انا مهندس محمد فوزي ولسه شاري عربيه النترا 2011 زيرو وانا الحقيقه اول مره اركب زيرو واتضحك عليا في حاجات كتيره بس انا كنت عاوز اتاكد انا فعلا اتضحك عليااوي ولا لا
1- العربيه استلمتها بالشمع الي عليها ( مش البلاستر ) ولحد الان مش عاوز يطلع وقالولي هتروح البنزينه هيشليو ليك الكلام ده كله ولما رحت البنزينه قالولي ده المعرض مفروض يسلمك زجاجه فيها ماده معينه بتيجي من التوكيل هي الي بتشيل الكلام ده . ده فعلا مظبوط؟ ولو فيه اماكن عندها الماده دي هي فين ؟؟؟ اماكن تلميع يعني عندها الماده وبتعمل تلميع في نفس الوقت
2- المعرض لحد الان مسلمنيش غطا للعربيه مع العلم انه معرض مش التوكيل نفسه
3-انا شاري العربيه قسط وكل الي اخدته منهم اقرار باستلام العربيه وماخدتش حتي عقد علي اساس انهم هم الي بيرخصولي - هل الترخيص كافي لاثبات ملكيتي للعربيه وهل العقد هيمضوه بينهم وبين البنك ؟؟؟
4- انا مش عارف اروح الضمان دوريا امتي وازاي وهدفع فلوس علي الصيانه الدوريه دي ولا لا تقدر تقول كده ابيض
5- ياريت كمان لو حد يقولي مركز صيانه محترم يكون قريب واخف في السعرمن التوكيل في حاله ان لو فيه حاجه بسيطه ومش عندي وقت اروح التوكيل يكونوا حلوين سعر ومعامله مع العلم ان اقرب مكانين ليا هم مصر الجديده ومدينه نصر
6- السياره انا جايبها من معرض القرش الجديد الي قصاد ابو غالي ياتري هم ناص صريحه ولا هم طبعهم الضحك علي الناس ؟؟؟؟
ارجو الرد واسف للاطاله
شكرا
م/محمد فوزي