السلام عليكم
انا كانت السياره ماشيه تمام مفيش اي مشكله
وواحد صاحبي قاللي خليني ابصلك عليها من جوه
المهم انا مش متاكد كان فيه خرطوم من دول مفكوك ولا لأ
ام هو قعد يفك ويلعب ومش فاكر الصراحه هو كانوا مفكوكين من الاول ولا
بس وانا ماشي لقيت العربيه بتنتش جامد علي السرعات الواطيه
يعني علي التاني تحديدا
وخصوصا مثلا لما اكون ماشي واشيل رجلي من علي البنزين
تروح ناتشه
ساعات احس انها مبرجله كده في الطلعه لازم ادوس دبرياج شويه عشان ممكن تطفي
المهم انا دلوقتي فكيت الخرطوم ده كده
لقيت النتشه راحت والعربيه تمام
بس هل ده غلط
كمان فيه حاجه
هو للامانه النتشه ده اكتر لما العربيه تكون بارده
لكن انا دلوقتي لسه راجع من بره
وقلت اعملها ومفيش ناتشه
ارجع الخرطوم تاني ولا اسيبه
وهو بتاع ايه اصلا
ثانيا وللاهميه
انا لما العربيه بتطفي مثلا وانا ماشي او في اشاره مثلا
دواسة الفرامل بتحجر
وده بيقي خطر لان العربيه بتسحب ومبتحكمش فيها
غير بفرامل اليد او طبعا لازم ادورها بسرعه
انا تفسيري للموضوع ده
ان نظام الفرامل لازم يوصله كهرباء الاول عشان الهيدروليك يشتغل
ولا انا بفتي ولا ايه
بس انا شايف ده عيب خطير
لان وهي طافيه مفيش فرامل