[dr.darsh]

المشاركة الأصلية كتبت بواسطة bmkbmk السلام عليكم ازيك يا باشا معلهش هو انا مش هقدر افيدك فى الموضوع ده لقلة خبرتى فيه .. بس انا عموما مافضلش الصينى هو اللى انا عاوز اعلق عليه انك من طنطا يعنى احنا بلديات ... و انا جايلكم على طنطا بعد اسبوع ان شاء الله و نشوفك على خير يا باشا...و ربنا يهديك للعربية اللى فيها الخير و المصلحة

وعليكم السلام ورحمة الله وبركاته
أنا تمام الحمد لله أزيك أنت يا محمد
والله انت كلك ذوق وأخلاق وصدق الشاعر حين قال (طنطا ولادة)
ان شاء الله توصل بالسلامة ونشوفك .... ده شئ يشرفني يا غالي

المشاركة الأصلية كتبت بواسطة Dr. Bolbolan شوف يا أخ درش يا أبو زمل ! أنا موش بأكره الصينى و لا بأحبه ! بس أنا مقتنع ب 3 حاجات :- 1- العربيات ( قرف ) بكسر القاف ! يعنى ممكن تجيب سيارتين من المصنع على الزيرو من أقوى ماركه و تلاقى واحده زى الفل و التانيه من أول يوم فيها ماقاله مالك فى الخمر ! 2- ما تفرقش كتير ماركة السياره لو هى على الزيرو و استعمالها معقول ! بشرط يكون السائق فاهم كويس جدآ فى السيارات و ايديه فيها على طول ! 3- اللى قلبك يستريح له خش عليه ! و اعتبر أى سياره حاجه بتقضى الغرض و خلاص و ماتفعدش تحسبها زى بعضهم ! ح تجيب كام لما أجى أبيعها ؟؟ أنا قلتها قبل كده ان دى زى الزواج ! أنت لا تتزوج بنية الطلاق ! لكن لو قلت بأصلها ولع فيها و موش ح تاخد اعدام على الآقل ( موش ح تروح لعشماوى ) !! Dr. Bolbolan ptmnlo123per1127

شكرا جدا يا دكتور على المداخلة الكريمة والنصيحة الغالية
والله على قد الواحد ما بينصح الناس و يحاول يسهل لهم قرار شراء العربية
لكن الواحد لما بيتحط في نفس الموقف بيلاقي أنه صعب جدا وخصوصا للي زي حالاتي لأني عارف ان حيبقى من الصعب بل من المستحيل اني أعوض أي قرش ممكن أخسره من العربية
ان شاء الله العربية مش حتقعد معايا أقل من 5 سنين يعني مش حفكر في البيع بسرعة
أنا حاليا طبيب امتياز ممكن ساعتها يكون الواحد استقر وضعه شوية أو شفت لي سفرية في الحالة دي ممكن أفكر في البيع...فيما عدا ذلك ان شاء الله أحتفظ بالعربية
الصراحة انا قلبي مستريح للاسبرانزا وشكلي (حخش عليها زي ما قلت)
فكرتني بعادل أمام لما كان بيقول (لابد أن يدخل بها...هههههه)

المشاركة الأصلية كتبت بواسطة AboNoRa طيب معلش يا دكتور سؤال تانى حضرتك سهل بالنسبالك تكون مترتبط بالتوكيل فى الصيانات الدورية والاصلاحات اذا كان مفيش مشكلة يبقى الاسبيرانزا تمام اذا كانت ديه مشكلة يبقى خليك فى الفيرنا والانوس لانهم بيتصلحو فى اى حتة وقطع غيارهم فى كل مكان _والله يا أبو نورا هو احنا عندنا مركز صيانة للاسبرانزا هنا في طنطا (عيسى) والناس اللي تعاملت معاه بيشكروا فيه بالنسبة للفلوس أنا كل أملي في ربنا أنه يجنبني أي حاجة كبيرة ممكن تحصل للعربية .... والباقي متهيألي الواحد حيقدر يتعامل لو في مشكلة صغيرة والضمان موجود برضه _أنا عارف فعلا ان صيانة اللانوس والفيرنا أسهل وأرخص بكتير وهو ده سبب حيرتي...ربنا يوفقني واعرف أختار صح وهل ديه اول عربية تشتريها ولو كنت معاك حاجة قبل كده نوعها ايه اذا كانت اول عربية يبقى الاسبيرانزا تمام اذا كنت اتعودت على قبل كدة على عربية ادائها قوى واستجابتها سريعة الاسبيرانزا هتدايقك شوية لحد ما تاخود عليها أنا كنت راكب شاهين مو 97 ...1400 سي سي ماعتقدش بأي حال من الحوال ان أداء الاسبرانزا حيكون أقل منها.......أنا أزعل قوي!!!!! وعامة توقع من اى عربية فى الشريحة ديه ( لانوس - فيرنا - افيو الخ الخ ) عيوب تقفيل ومشاكل صغيرة ومنغصات (وزى ما قال الدكتور بتبقى قرف) وممكن ميبقاش فيه مشاكل خالص بس حتى ان ظهرت بعض المشاكل بتكون بسيطة وسهله فى الاصلاح ومبتعطلش العربية _هي دي بقى (نقطة الموضوع) على رأي (بوحة الصباح) اللي أنا كنت عايز أتأكد منه هل فعلا مشاكل الاسبرانزا هينة ولا لا قدر الله في كوارث أصل الواحد بيقرأ حاجات بتشل وبجد ساعات بيجيلي هاجس ان ممكن يكون الكلام ده فعلا حقيقي.... وهو ده بالظبط اللي كنت عايز أتأكد منه من الناس ملاك العربية ولا تنسى الاستخارة بعد الاستشارة وباذن الله ربنا يوفقك للاصلح _ده أساسي طبعا والله انا عملت الاستخارة مرتين وبستشير برضه وربنا يكرم...ادعولي تريليون شكرا ليك يا أبو نورا على اهتمامك وردك...مش عارف بس والله الواحد يروح من ذوقك فين (دي حاجة مش غريبة عليك)