بسم الله الرحمن الرحيم
السادة / أعضاء المنتدى المحترمين
كثرة غسيل السيارة يكون طبقة من الدهون الموجودة فى المنظفات مثل الصابون السائل اللى بتغسل بية العربية فى المشحمة او فى اى مكان فتلاحظ بعد فترة ان كشاف العربية من الخارج تكون علية طبقة دهنية تعطى الكشاف ملمس خشن وضبابى جدا من الخارج مع ان الكشاف من الداخل لامع جدا ونظيف فجربت مرة تجربة تنظيف الفانوس بالأدوات التالية
1- علبة بوليش اى نوع ممكن بوليش ميدو ب 6 جنية
2- كيس قطن من الصيدلية 2 جنية
الطريقة
نضع بعض البوليش على اجزاء متفرقة من الكشاف ثم نبداء بالتلميع بالقطن وسوف تلاحظ ان البوليش زى الكريم استمر فى التلميع حتى تحس ان القطنة مش عايزة تمشى على الكشاف تقريبا نفس طريقة تلميع السيارة بالبوليش زمان بعد وش البوهية وبعد ذلك هات قطنة اخرى نظيفة ولمع الكشاف على الناشف وسوف تلاحظ الفرق بينة وبين الكشاف الأخر كرر الموضوع دة مرة اخرة ولمع بالقطنة الناشفة مرة اخرى
والله انا كنت هغير الكشافين بتوع العربية عندى لكن لمت جربت الموضوع دة رجع الكشافين زى الفل وصرفت نظر عن موضوع شراء الكشافين
ملاحظة . هذة الطريقة ليس لها علاقة بأصفرار الفانوس من الداخل
والله الموفق
محمد محمد غريب
الأسماعيلية
هيئة قناة السويس
0123695418