المشاركة الأصلية كتبت بواسطة mostufa

إن شاء الله ناوي اشتري سياره نيو النترا 2012
وكنت ناوي اعمل قرض شخصي بضمان المرتب اشتريها بيه احسن مليون مره من قروض السياره اللي عايزه ضمانات كتير وحظر وتامين وتعقيد وبلا ازرق وفائده اعلى
بس كل ما اسال شيخ يقول ان القرض حرام كل ما اسال واحد يقول القرض حرام وبعدين وجدت مفتي الجمهوريه الشيخ علي جمعه يقول انه حلال وعلل كلامه بان البنوك مؤسسات تابعه للدوله وانها بتخدم الدوله في مجالات والربا يكون من افراد إلخ .........
بصراحه كلامه محترم ومعقول فانا هامشي ورا كلامه وهااعمل القرض
انا كنت بسال لو حلال يبئ اكون في المضمون ولو حرام اكون انا بريئ ووزري عنده لأنه مفتي الجمهوريه مثال لو كل الشيوخ قالت في مصر إن هلال رمضان مظهرش والمفتي قال ظهر وصومو من بكره كلنا هانصوم صح
انا آسف على الإطاله بس كنت عايز اعرف رايكم اكمل في اجراءات القرض مع العلم انها لشراء سياره تسهل مشوار عملي البعيد ولا انتو رايكم ايه