[تامر ديزل]

عدنا
بعد القفا الحداشر لازم تغير تطور المواجهة مع العميل طالما ان القفيان مش جايبه نتيجه ...
دي حكمه متوارثه شفاهة من ظابط لظابط لظابط لحد ماوصلت لسعات الباشا اللي بيدردش مع العميل بيومي والعميل في قاموس امن الدوله هي اسم علم بمعنى الزبون وبمعنى الخاين والجمع عملاء وخونه
المهم بيومي وصل له حداشر قفا وبرضه مافيش فايده والساعه عدت نص الليل وسعات الباشا زهق وعايز يروح يرتاح
وهوا خارج بيومي قاله : ياباشا هوا مش الحكومه قالت لكم بلاش المعامله دي للناس ؟ امال ثورة ايه وكرامة ايه ونيلة ايه .....
الباشا : انت ليك ف السياسه ؟
بيومي :حد الله بيني وبينها
الباشا : اهي الحكومه بتاعتك دي قالتلنا نهدي اللعب مع بتوع السياسه
انما انتم ما حدش جابلنا سيرتكم
يتبع ........