معاناه مكنتش متخيلها
السلام عليكم
انا جبت اسبرانزا استعمال والحمد لله عربيه جميله الحمد لله
بس كان فيها مشكله اول منزل ادور العربيه كانت تدور عادي خالص اروح مشوار كبير شويه واركنها وبعدين اجي ادور مدورش المهم لفيت علي كذا كهربائي كله قالي ده اوتوماتك مارش قلت اوك اغيره
روحت افك المرش مش عاوز يطلع من مكانه الكهربائي قالي روح لمكانيكي خليه يحلهولك انا مش عارف اطلعه
قلت الكهربائي ده مش فاهم قلت اروح لكهربائي تاني قلتله فكلي المارش المهم حاول وبعدين قالي مش نافع لازم تروح لمكانيكي
المهم روحت لمكانيكي قالي 100 جنيه علشان اطلعلك المارش لازم احل المنافل والرشاشات وحجات كتير علشان اطلع المارش ولازم نغير جوان المنافل
قلتله اوك المهم الميكانيكي اشتغل وحل المارش نزلت ادور علي اوتوماتك المهم دخت لحد ملاقيت واحد بالصدفه عنده اوتوماتك ب 150 جنيه خدته 100 جنيه المهم
روحت ركبته والميكانيكي قفل العربيه جيت ادور مش عاوزه تدور خالص المهم الميكانيكي قالي الاوتوماتيك الي انته جايبه مش حلو قلتله انا مجربه باره قالي مش حلو قلتله والعمل قالي نحل تاني وتغير اوتوماتيك كمان المهم عت كل الي انا عملته تاني والميكانيكي حل تاني وخد 100 جنيه كمان المهم روحت للكهربائي الي انا اشتريت منه الاوتوماتيك واتخنقت معاه قلتله علي المعاناه وقلتله المفروض تديني حاجه كويسه المهم
جيت اوتوماتك تاني والكهربائي قالي علي فكره اني اجربه علي العربيه الاول قبل مركبه بس المهم اشي فيشه الكويل والرشاشات واجرب المهم عملت زي مقلي الكهربائي والمارش بردو مشتغلش قلت الحمد لله اني مقفلتش روحتلو تاني قالي خد مارس كامل وريح نافسك جتلاقي المارش الي بايظ مش الاوتوماتيك
جبت واحد استعمال وركبته ب 300 جنيه والحمد لله اشتغلت بس في خشونه شويه وانا بدور مش عارف حتروح ولا حيفضل الصوت كده اول مدور بس
انا اسف علي الاطاله
|