الفرق بين عيد زمان ودلوقتي
ذكرياتك مع العيد كانت عامله ازاي
يلا كلوا يحكي العيد معاه وهو صغير كان ازاي
اناهبدا بنفسي
انا كنت مش بنام ليله العيد واقعد ازين البيت والعب مع ولاد خالي كان العيله كلها بتبقي مع بعض
والصبح وبعد الصلاه نقف طبور طويل قدام جدو الله يرحموا علشان العيديه ومش عايزه اقولكم عيديه جدوا كانت100 جنيه ولما كبرنا بقيت 200
يعني كان مبلغ محترم وبعدين بقي نروح انا وولاد خالي نشتري كل حاجه من المحل
لعب شبسي
وكان ولاد خالي بيضحكوا عليا ويقولولي تعالي ناجر عجل وكانوا بيخدوني وراهم ومش بيخلوني اسوق العجله يبقيوا هما بيلعبوا وانا مسكاهم من ورا علشان مش يقعوا
العيد دلوقتي بقي ممل اوي وخصوصا بعد وفاه جدو بقيت العيله مش بتجمع الا يوم واحد وكل واحد كبر بقي وبقي عامل فيها راجل واللي اتجوزت وبقي عندها عيال
وحوارات اختلفت عن زمان اوي والواحد بعد ما كان بياخد عيديه بقي ملزوم يدي عيديه للعيال الصغيره اللي في العيله
ونادر بقي لما تخرج خوفا من الزحمه اللي تحت
يلا كلوا يحكي العيد بيفكروا بايه
وايه اللي الفرق بين عيد زمان ودلوقتي
|