[حسام البورسعيدى]

احسن نوع انذار هو SPY .. وده سعره بيتراوح ما بين 150 - 180 حسب المكان اللى بتشترى منه ..

وده انا مجربة بقاله شهرين واكتر من ممتاز ...

جبت برضو وحده رفع SPY بترفع 4 ابواب ب65 جنية ..

بس هى ممكن ترفع بابين بابين او باب باب .. فى حاله انها ترفع بابين بابين محتاجه ان الازاز يكون ممتاز وسريع ومتساوى فى السرعه ..

علشان الانذار يركب احتجت علبه سنتر ب 25 جنية .. ودى بتحتاجها العربيات الكورى غالبا لما تركب انذار علشان الانذار يشتغل مع السنتر لوك ..

انتا بتسأل عن لانوس 2011 يعنى اكيد فيها سنتر لوك فانت مش محتاجة .. عموما للمعلومة هو بيعمل من 50 الى 100 جنية حسب النوع والخامة والمكان اللى بتشترى منه ..

تركيب الانذار ووحده الرفع كلفنى 70 جنية .. من 70 - 100 جنية يبقى كويس اوى ...


اما بالنسبة للفرش فده انواعه كتيييير جدا .. ممكن يبدأ من 250 جنية ويعدى الالف جنية ....


يا رب اكون قدرت افيدك واسف جدا للتاخير فى الرد .....