المشاركة الأصلية كتبت بواسطة fady nagy
محدش رد عليا  |
بص يا معلم
أكيد بعد الكلام اللى قاله أيمن أظن مفيش كلام يتقال (ربنا يكرمه على الشرح) بس أنا عندى إضافة
أنا كنت متزاول فى موضوع العربيات اللى فى الفئة السعرية دى من بتاع 5 شهور فاتوا و ححاول أنقللك خبرتى المحدودة فى الفترة دى
-بالنسبة للهيونداى I10 الشكل الجديد واسعة من جوه لدرجة إنى ركبت فى كرسى السواق و رجعته على قعدتى و أنا طولى 183 سم (مش قصير يعنى) و بعدين قعدت ورا كرسى السواق (الحركة دى بعملها فى أى عربية جديدة) و كنت قاعد مستريح, كانت ركبتى لامسه ظهر الكرسى اللى قدامى بس مش متضايق, و بعدين رفعت راسى عشان أشوف أنا بعيد أد إيه عن السقف فضلت أطلع براسى مش قادر أوصل للسقف و بعدين حطيت إيدى على رأسى عشان أشوف هيه بعيدة أد إيه عن السقف لقيته بعيد بدرجة كويسة جدا(يعنى لو فيه مطب راسى مش حتخبط فى السقف لو أنا قاعد ورا) بس العربية هاتش باك يعنى مش عائلية و 1100 cc يعنى مش حتسعفك على الطرق السريعة و سعرها 72500 جم
للفول أوبشن مانيوال
-البيكانتو نفس الكلام, بس كمان الشكل الجديد ضيق بدرجة ملحوظة و جرب بنفسك و مش متأكد أوى من السعر
-البروتون ساجا عجبانى جدا فيها شوية أوبشنز جامدة زى الباركينج سنسور و الـ ABS و كمان 1300cc و سعرها 68000 جم, بس عيبها الأساسى هو التوكيل, سىء بدرجة كبيرة و كمان أسعار قطع الغيار نار (أنا لسه عجبانى مع إنى حجزت اللوجان)
- السانديرو عربية جميلة و عجبانى أوى عشان هيه هيه اللوجان فى وسعها و علوها عن الأرض, بس برضه مرضيتش أجيبها عشان هاتش باك و أنا عايز عربية عائلية, العربية سعرها 71000 جم للمانيوال و 75000 جم للفول أوبشن المانيوال, و على فكرة 4 صحابى معاهم رينو موديلات مختلفة بيشكروا أوى فى التوكيل
أرجو إن كلامى يكون مفيد