انا حتكلم عن نفسي
1- اول سيارة امتلكتها الاسرة كانت مازدا 929 ليميتد موديل 1982 و تم الشراء عام 1990 تقريبا
مميزاتها:- فل اوبشن مقارنة بسيارات هذه الفترة ( زجاج و مرايات كهرباء + سنترلوك!! + تكييف ممتاز + باور + فتح الشنطة من الداخل ) يعني لحد دلوقتي بعد 30 سنة غبور باشا في سيارة رديئة بيعتبر الكلام ده اضافات مش اساسيات!!!!
- سحب فوق الممتاز و تسارع قوي و دفع خلفي ( كورونة )
- السياراة جسمها قوي جدا و اكصدامات مدعمة بقضبان فولاذية (تم تجربتها في تصادمات متوسطة )
- خامات السيارة فوق الممتازة و لم يظهر عليها علامات الاستعمال او القدم
- شبه انعدام اعطال للسيارة برغم انعدام الصيانة تقريبا
العيوب : - معدل استهلاك وقود مرتفع نسبيا ( محرك 2000 سي سي كربراتير )
- تعطل التكييف بعد حوالي 8 سنوات استخدام ( بعد 16 سنة من التصنيع!!! ) و كان العطل في الكمبروسر للاسف
- تعطل طلمبة الباور بعد حوالي 11 سنة ( 19 سنة من التصنيع )
الخلاصة : مازدا 929 ليميتد بسقف مكسي جلد
شبه دي تقريبا
سيارة عائلية من الدرجة الاولى - عفشة فوق الممتازة - صالون واسع جدا - محرك قوي و متجاوب - معمرة - استهلاك وقود مرتفع - عدم توافر قطع الغيار
يتبع...