السلام عليكم
اخوكم طبيب اطفال و الحمد لله عمري ما دخنت بس اكيد حاسس بمعاناتكم معاها
و احب اقول اولا ان التدخين ده اس البلاوي كلها
يعني من الاخر كنا ايام الكلية لما بيجيلنا سؤال عن مسببات اي مرض في الدنيا و نبقى موش فاكرين اي حاجة نكتب التدخين و احنا حاطين رجل على رجل و ضامنين الدرجة
عموما في دوا جديد الايام دي الناس فعلا قدرت تبطل معاه بس هو فعلا غالي شوية
اسمه CHAMPIX
الكورس العلاجي الكامل ب 700 جنيه تقريبا لمدة 30 يوم(اعذروني موش مجال تخصصي)
بس الدوا بيعمل 3 حاجات مهمة اوي
اولا بيقلل احتياجك للنيكوتين بتاع السجاير تدريجيا
ثانيا بيكرهك في طعم السيجارة
ثالثا و دي اهم حاجة بيقضى على احساس اشتهاء السيجارة او ال CRAVING يعني
الدوا دا فعلا يا جماعة خلى ناس تبطل قدامي منهم اخويا
و 700 جنيه موش قضية دول سجايرك في شهرين يعني
و اهم حاجة في الموضوع هو الارادة القوية ان شاء الله
شدوا حيلكم يا رجالة
و تقبلوا سلامي