رد: الحمد لله اشتريت عربيتي انهردة
السلام عليكم
اولا الف مليون مبروك على العربيه
بالنسبه للسعر
فده السعر بتاعها بالظبط متقلقش
السيينا ال 1400 كمجمل كويسه
اساسياتها موتور و فتيس ممتاز .. ناعمه جدا و سحبها ممتاز بالرغم انها 1400 سي سي 8 صباب
ثبات متوسط على السرعات لأن اغلب وزن العربيه قدام .. وشنطه طويله
العفشه خفيفه شويه ...
التقفيل مصري طبعا وفيه عيوب التجميع المحلي .. كمثال كاوتش الابواب ممسوك بكلبس بلاستيك ..
قطع الغيار متوفره وموجوده لكن طبعا مش زي الاكسنت او الانوس سواء كتوافر او اسعار
ونفس الكلام بالنسبه للصيانه ..
الشنطه واسعه جدا جدا .. 500 لتر .. لكن على حساب الكنبه .. ضهرها واقف و اللي يقعد ركبه حتكون في ضهر اللي قاعد قدام
|